سیکورٹی فورسز ءَ ضلع کرم ءَ دو سوبمندیں آپریشن ءِ تہا ہندوستان ءِ حمایت کتگیں فتنہ الخریج ءِ 23 ناشرکار کشتگ انت

راولپنڈی۔20نومبر  (اے پی پی): صوبہ خیبر پختونخوا ءِ ضلع کرم ءَ سیکورٹی فورسز ءَ ہندوستان ءِ کمک ءَ فتنہ خوارج  ءِ دو سوبمندیں آپریشن ءِ تہا 23 ناشرکار کشتگ انت۔ انٹر سروسز پبلک ریلیشنز ءِ نیمگ ءَ چہ جاڑی بوتگیں بیان ءِ رد ءَ سیکورٹی فورسز ءَ خوارج ءِ ھست بوھگ ءِ ھال ءِ رسگ ءَ پد ٹارگٹڈ آپریشن بندات کتگ۔ آپریشن ءِ وھد ءَ سیکورٹی فورسز ءَ ناشرکارانی پناہ گاہ نشانگ جوڑ کتگ انت ۔ اے وھد ءَ 12 خوارج تیر گواری ءِ تہ ءَ بیران بوتگ اَنت۔ دومی آپریشن ھمے دمگ ءَ دگہ خوارج گلے ءِ ھست بوھگ ءِ ھال ءِ سر ءَ کنگ بوتگ کہ ایشی ءِ تہ ءَ سیکورٹی فورسز ءَ دگہ 11 ناشرکار کُشتگ اَنت۔ سیکورٹی فورسز ءُ قانون نافذ کنوکیں ادارہ جزم ءُ استحکام ءِ وژن ءِ رد ءَ دمگ ءَ ہچ وڑیں ہندوستان ءِ حمایت کتگیں خوارج ءِ ہست بوہگ ءِ ہلاس کنگ ءِ آپریشن ءَ برجاہ دارگ ءَ انت دانکہ ملکی ءُ درملکی حمایت کتگیں ناشرکاری ءِ خطرہ چہ وتی رند ءَ کشگ بہ بنت۔