حکومت ملک ءَ دیگ ءِ مھکمیں دود ءُ ربیدگ ءِ دیمروئی ءِ واستہ پی سی پی ءَ را سرجمیں کمک ءَ کنت، وزیر خزانہ سینیٹر محمد اورنگزیب

اسلام آباد۔ 19 نومبر (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ شفقت، مشترکہ وشھالی ءُ راجی ذمہ واری پاکستان ءِ اخلاقی معیشت ءِ مستریں ستون اَنت، اولی اسکلز امپیکٹ بانڈ نیو ٹیک ءِ وسیلگ ءَ سک زوت بندات کنگ بیت۔ چار شمبے ءِ روچ ءَ پاکستان سینٹر فار فیلنتھروپی ءِ نیمگ ءَ برجم داشتگیں کارپوریٹ فیلنتھروپی رپورٹ 2024 ءِ بندات ءُُ داد دیگ ءِ مراگش ءَ ھاسیں مہمان ءِ بستار ءَ گشتانک دیان ءَ وزیر ءِ ھزانگ ءَ گوشت کہ پاکستان ءِ اخلاقی معیشت ءِ مستریں ستون ھمدردی، یکجائی وشھالی ءُُ راجی ذمہ واری انت۔ آئی ءَ اے گپ ءِ سر ءَ زور پر دات کہ انفرادی ءُُ کارپوریٹ دوئیں تک ءَ خیرات پاکستان ءِ راجی پجار ءِ یک ھاسیں رنگے ۔ وزیر خزانہ ءَ گوشت کہ آئی ءَ چہ باز براں اقتصادی ریکوری، میکرو اکنامک استحکام ءُ ڈھانچہ ءِ اصلاحات آنی واستہ روڈ میپ ءِ بابت ءَ جست کنگ بیت کہ آ شمولیت ءُُ برجمیں دیمروئی ءِ ھاترا المی انت۔ اے درستیں جیڈھ انتہائی المی انت بلے مرچیگیں مراگش ءَ بہر زورگ ہمے پیم ءَ المی انت، پرچا کہ اے پاکستان ءِ تہا خیرات ءُُ چاگردی وشحالی ءِ ھاتر ءَ اجتماعی عزم ءِ درشان انت۔ وزیر ءِ ھزانگ ءَ گوشت کہ پاکستان ءَ را جھان ءِ تک ءَ یک استثنائی سخاوت مندیں ملک ءِ رنگ ءَ منگ بیت ءُ ورلڈ گیونگ انڈیکس ءِ رد ءَ پاکستان 101 ملک آنی تہ ءَ 17می نمبر ءَ اِنت ایشی ءَ چہ پاکستانی راج ءِ سخاوت پسند ءِ درشان اِنت ھاسیں رنگ ءَ جان سلامتی ءُُ وانگ ءُُ زانگ ءِ شوبگ آنی تہ ءَ۔ کراچی ءَ گوازینتگیں وتی پیشہ وارانہ ءُُ ذاتی تجربت آنی حوالہ ءَ وزیر خزانہ ءَ گوشت کہ سٹی اسٹیٹ ملک ءَ خیرات ءُُ کارپوریٹ دیگ ءِ پڑ ءَ دیر انت کہ سروک انت۔ آئی ءَ گوشت کہ جھان ءِ تک ءَ شہر آنی بنیات ءَ اگاں کجام ھم درجہ بندی کنگ بہ بیت گڈا کراچی اے رد ءَ دگنیا ءِ مستریں شہر آنی لڑ ءَ ھوار بیت۔ آئی ءَ من اِت کہ اگاں چہ ملک ءِ دگہ دمگ ھم خیراتی کارانی تہ ءَ سرگرمیں رنگ ءَ بھر زورگ ءَ اَنت بلے کراچی انگت ءَ برجم ءُُ نقل ءِ لائق اِنت۔ وزیر خزانہ ءَ پاکستان ءَ کارپوریٹ خیرات ءِ تسلسل ءَ را ھم ساڑات ءُُ گوشت کہ اقتصادی ردوم ءُُ چیلنج آنی باوجود کارپوریٹ خیرات ءِ تہ ءَ مدام گیشی بوھگ ءَ اِنت۔ آئی ءَ اے درگت ءَ نوکیں اعداد و شمار ءِ ھم حوالہ داتگ کہ ایشی ءِ رد ءَ 400 ءَ چہ گیش لسٹڈ کمپنی آنی تہ ءَ 300 ءَ چہ گیش کارپوریٹ سوشل ذمہ واری ءِ کار آنی تہ ءَ بھر زور اَنت ءُُ کمپنی آنی تہ ءَ نزیک ءَ یک تہائی ھم وتی کار آنی تہ ءَ باقاعدگی ءَ کن اَنت۔ آئی ءَ ھما کمپنی آنی سر ءَ زور پر دات کہ آ انگت ءَ وتی چاگردی آسراتی آناں پدر نہ کنگ ءَ اَنت آ شفافیت ءَ را وتیگ بہ کن اَنت، پرچا کہ اے عمل نہ ایوک ءَ چاگرد ءَ را مھکم کنت بلکیں کمک ءِ جذبہ ءَ را ھم مھکم کنت۔ آئی ءَ گوشت کہ کارپوریٹ خیرات ءِ جار رول ماڈلنگ ءَ را دیم ءَ برگ ءُُ گیشیں شمولیت ءِ راہ ءَ پچ کنگ ءَ انت وھدیکہ کانود یا رہشونی ءَ را مدام گڈی رھبند ءِ رنگ ءَ چارگ بہ بیت۔ وزیر خزانہ ءَ نجی شوبگ ءِ تہ ءَ وتی تجربگ آنی حوالہ ءَ گوشت کہ آ یک انچیں ادارگ ءِ سروکی کنگ ءَ آں کہ ایشی ءِ تہ ءَ سالانہ منافع ءِ یک درسد باقاعدگی ءَ کارپوریٹ فاؤنڈیشن ءَ را داتگ ات، ایشی ءَ پد بورڈ ءِ نیمگ ءَ چہ یک درسد ءَ را گیش کنگ بوتگ ات۔ آئی ءَ گوشت کہ مرچی ایوارڈ ءِ رسگ ءَ کمپنی راستیں چیمپئن اَنت کہ آ دگر آنی واستہ مثال جوڑ کنگ ءَ اَنت، ءُُ اے کمپنی آنی چاگردی سرمایہ کاری ءِ واستہ عزم پاکستان ءِ چاگردی دیمروئی ءِ بنیات آناں مھکم کنگ ءَ کمک رسیت۔ وزیر خزانہ ءَ پی سی پی ءِ ظفر خان ءِ ایمانداری، ازمت ءُُ جوانیں کرد ءَ را شگر ءُُ منت گپت ءُُ گوشت کہ پاکستان سینٹر فار فیلانتھروپی ءَ آئی ءِ سروکی ءَ ملک ءَ خیرات ءِ ادارگی دیمروئی ءَ را نوکیں رھشونی داتگ۔ آئی ءَ یک شفاف، بھروسہ مند ءُ ڈھانچہ ءِ سرٹیفیکیشن سسٹم ءِ جوڑ کنگ ءِ تہ ءَ پی سی پی ءِ ھاسیں کرد ءِ توسیپ کت ءُُ اے گپ ءِ سر ءَ زور پر دات کہ مرکز ءَ سرٹیفکیشن ءُُ ارزشت ءِ درستیں پڑ آنی تہ ءَ گیش گہتری، وھد ءِ سر ءَ سرجمی ءُُ مھکمی ءَ را دل یکیمی کنگ لوٹ ایت۔ وزیر خزانہ ءَ مرکز ءِ کار ءَ را نوکیں مالی کمک ءِ وسیلگ ءَ چاگردی شوبگ ءَ را مھکم کنگ ءِ واستہ حکومت ءِ گیشیں کوشست آنی گوما ھم ھمگرنچ کت۔ آئی ءَ گوشت کہ مزن وزیر ءِ سوشل امپیکٹ فنانسنگ فریم ورک ءِ سروک ءِ بستار ءَ حکومت لس ھرچ ءُ درچ ءِ بدل ءَ آسر ءِ سر ءَ بنیات ءُُ اثر مندیں فنانسنگ ءِ نیمگ ءَ روگ ءَ اِنت، ایشی ءِ وسیلگ ءَ سرکاری، نجی ءُُ خیراتی سرمایہ ءَ را یکجا کنگ بیت تانکہ پیمائش ءِ لائکیں چاگردی آسراتی رسگ ءَ اَنت۔ آئی ءَ مہناز اکبر ءُ شازیہ امجد ءِ ھاسیں منت واری ءِ درشان کت کہ آھانی تکنیکی رہشونی ءُُ میدانی تجربگ ءَ اے فریم ورک ءِ جوڑ کنگ ءَ مزنیں کرد پیلو کتگ۔ وزیر ءِ ھزانگ ءَ گوشت کہ برٹش ایشیائی ٹرسٹ ءِ کمک ءَ نیو ٹیک ءِ وسیلگ ءَ پاکستان ءِ اولی اسکلز امپیکٹ بانڈ زوت بندات کنگ بیت ایشی ءِ مول ءُُ مراد روایتی فنڈنگ ​​ءِ بدل ءَ کیپیٹل مارکیٹ ءِ وسیلگ آناں کارمرد کنگ ءَ چہ چاگردی شوبگ ءِ اسکلز ءِ دیمروئی ءُُ پائیدار مالی کمک ءَ را دیم ءَ برگ اِنت۔ وزیر خزانہ ءَ کارپوریٹ خیرات ءِ تہا سروکی ءِ ھاتر ءَ درستیں ایوارڈ زرتگیں مردم آناں مبارک بات دات ءُُ دل یکیمی دات کہ پاکستان ءَ دات ءِ یک مھکمیں دود ءُ ربیدگ ءِ دیمروئی ءِ ھاتر ءَ حکومت پی سی پی ءَ را سرجمی ءَ کمک کنت۔ آئی ءَ یک رندے پدا گوشت کہ حکومت ترغیبات ءِ شوھازگ ءُُ ھما فریم ورک ءِ آسراتی ءِ واستہ جزم اِنت کہ آ ذمہ وار ءُ بامقصدیں دیگ ءَ را دیم ءَ برگ ءَ انت۔ آئی ءَ مراگش ءِ واستہ دعوت داتگیں مردم ءِ منت گپت ءُُ پاکستان سینٹر فار فیلانتھروپی ءَ را آیوکیں سال ءِ واستہ نیکیں واھگ ءُُ نیکیں واھشت درشان کت.