نائب مزن وزیر ءُ دری کارانی وزیر سینیٹر محمد اسحاق ڈار ءَ برسلز ءَ یورپی یونین ءِ کونسل ءِ صدر انتونیو کوسٹا ءَ گوں گند ءُ نند

برسلز۔19نومبر  (اے پی پی): بیلجیم ءِ شہر برسلز ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ یورپی یونین ءِ کونسل ءِ صدر انتونیو کوسٹا ءَ گوں گند ءُ نند کت۔ چار شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءَ دوئیں نیمگ ءَ پاکستان ءُ یورپی یونین ءِ سیادی آنی تہ ءَ جوانیں پیشرفت ءِ سر ءَ دل یکیمی ءِ درشان کنگ بوتگ ءُ جتاجتائیں شوبگ آنی تہ ءَ وت مہ وتی پائدگ مندیں شریکداری ءَ را گیش مھکم کنگ ءِ سر ءَ تپاک کنگ بوتگ۔ نائب مزن وزیر ءُ وزیر ءِ درئی کار ءَ پاکستان ءِ گوما دو نیمگی ءُ کثیر نیمگی کمک ءِ واستہ یورپی یونین ءِ کمک ءَ را ساڑات۔ دوئیں ڈل آنی تہ ءَ وت مہ وتی مفاد ءِ بازیں جیڈھ آنی سر ءَ گپ ءُ تران کنگ بوت، جی ایس پی پلس، تجارت ءُ اقتصادی کمک ءِ دیمروئی ءُ دمگی ءُ جھان ءِ ایمنی ءِ جاور ھال آنی سر ءَ گپ ءُ تران کنگ بوت۔ نیمگ ءَ کثیر جہتی نظام ءِ سرا وتی مھکمیں عزم ءِ ھم پدر کت۔ یکجائی اولیت آناں دیمروئی دیگ ءُ کلیدی پڑ آنی تہ ءَ کمک ءَ را گیش گہتر کنگ ءِ واستہ یکجائی ءَ کار کنگ ءِ سر ءَ تپاک کت۔