پاکستانی زالبول آک اُراغان پیش تمسا جہانی مارکیٹ اٹی بزنس لیڈر نا وڑاٹ مون آ بننگ ءُ، خصوصی کمکار ہارون اخترخان

اسلام آباد۔ 19 نومبر (اے پی پی) وزیراعظم نا خصوصی کمکار صنعت و پیدوار ہارون اخترخان پارینے کہ پاکستانی زالبول آک اُراتیان پیش تمسا جہانی مارکیٹ اٹی بزنس لیڈر نا وڑاٹ مون آ بننگ ءُ۔ وومن انٹرپرینیور شپ ڈے انا وخت آ فیڈریشن آف پاکستان چیمبر آف کامرس اینڈ انڈسٹری (ایف پی سی سی آئی) ٹی زالبول کاروباری راہشون، صنعت کار و میڈیا نمائندہ غاتیان تران کرساملکی زرگزران اٹی زالبول آتا کڑد ءِ خراج تحسین پیش کرے۔ ہارون اخترخان پارے کہ پاکستانی زالبول آک وارخواہی تا انتظار ءِ کتور بلکن او وارخواہی تینٹ ودی کننگ ءُ۔ اوپارے کہ اینو نا پاکستانی زالبول کمک آخا، انصاف اٹ موقع خواہنگ ءِ و دا حقیقت ءِ امنا کروئی مریک کہ زالبول آک بیرہ زرگزران اٹ اوار افس، او مہالو آن ہی اودے مون آ دننگ ءُ۔ خصوصی کمکار پارے کہ حکومت اولیکو وار نیشنل ویمن انٹرپرینیور شپ پالیسی  درستی راستی کرفنگ کن ہِننگ ءُ ہرا زالبول آتے زرگزرانی نظام نا فعال و فیصلہ ساز بشخ جوڑ کیک۔ اوداپیش رفت ءِ پاکستان نا زرگزرانی تاریخ نا مزل گوندساپارے کہ داپالیسی زالبول انٹرپرینیور آتے آسراتی تیان مون آہنسا سرکڑدہ ئی نا اختیار فراوان کیک۔