بنجائی وزیر  عبدالعلیم خان تون چین نا گیزوباگروپ نا چیئرمین لیوہوالیانگ نا ڈل اتون اوار اوڑدہی

اسلام آباد۔ 19 نومبر (اے پی پی) بنجائی وزیر مواصلات عبدالعلیم خان نا M-6و M-10نا ایلو ماندہ بشخ آتا تفنگ اٹی شریداری نا پیشکش چینی کمپنی امناکرے۔ چارشنبے نادے آ وزارت مواصلات آن جاری بیان نا رداٹ چین نا گیزوباگروپ نا چیئرمین لیوہوالیانگ ڈل اتون اوار بنجائی وزیر مواصلات عبدالعلیم خان تون اوڑدہی کرے۔ اوڑدہی ٹی گپ وتران کرسا عبدالعلیم خان پارے کہ پاکستان نا منہ سنگت ملک آتیٹی چین غٹ آن زیات خڑک و عزیز ءِ، پاک چین  کاروبار نا مون آ دننگ حقیقت اٹ تعلقداری تا سوگوی ءِ، تدوک آ اسہ سال اٹی 4 وار چین آ ہنا، ہڑتوم آملک آک پین خڑک بننگ ءُ۔ اوپارے کہ اینو ننا تعلیمی ادارہ غاتیٹی پاک چین سنگتی نا سبخ ءِ خوانفنگ انگ ءِ، چین ءِ M-6و M-10نا موٹروے سیکشن تیٹی زرکاری نا سلہ خلیک۔ اومانسہرہ ، ناران، کاغان، بابوسر و چین نا سیم اسکان نا شاہراہ غا ہم زرکاری نا پیش کش کرساپارے کہ دا شاہراہ قراقرم ہائی وے ناگیگ بدل و واپاری و سیل و سواتی اعتبار اٹ اہم ءِ، چین M-6و M-10نا ایلو ماندہ بشخ آتا تفنگ اٹی ہم بشخ ہلے۔ اوپارے کہ کراچی آن سکھر نا موٹروے بندرگاہ تون منسلک مریک ہرا اہم ترین ءِ، پاکستان نا انفراسٹرکچر نا شونداری ٹی خاطرخواہ پوٹینشل ساڑی ءِ، چین نا آبادی نا کچ اٹی کمتی وخت اس کہ پاکستان اٹ ترندی اٹ ودکی مننگ ءِ۔ عبدالعلیم خان پارے کہ چین پاکستان ءِ جتا ملک اس آخا بلکن تینا بشخ تصور کے، آبادی ٹی ترندی اٹ ودکی، گرج آتا زند انا ڈیمانڈہم ودنگ ءِ، تدوک آ اسہ سال اٹی این ایچ اے نا ریونیو 66 ارب آن ودسا 109 ارب مس۔ اوپارے کہ موٹرویز اٹی زرکاری چین اکن کٹیائی جوڑمریک، ڈیہہ اٹی چین وپاکستان ہڑتوم آک اہمیت نا حامل ملک آک ءُ۔ چین نا بزنس گروپ نا پاکستان اٹی موٹرویز M-6و M-9نا تفنگ اٹی است خواہی ظاہرکرے۔ چینی ڈل پارے کہ پاکستان نا زرگزرانی شونداری ٹی چین نا پیدوار وابستگی ءِ، پاکستان اٹ مواصلات و ایلو بشخ آتیٹی شونداری کن چین کمکاری ءِ ودفک۔