بنجائی وزیر شزہ فاطمہ خواجہ 2 دے ئی دورہ غا کرغزستان آ سرمس

بشکیک۔ 19نومبر (اے پی پی) آذربائیجان نا سرسہب دورہ غان پد بنجائی وزیر انفارمیشن ٹیکنالوجی وٹیلی کمیونیکیشن شزا فاطمہ خواجہ 2 دے ئی دورہ غا بشکیک کرغزستان آ سرمسنے۔ چارشنبے نادے آ وزارت آئی ٹی وٹیلی کام آن جاری بیان نا رداٹ بنجائی وزیر کاریک ملک آتون پاکستانی کمپنی تا بزنس ٹو بزنس ایم او یوز نا دستخطی دود اٹی بشخ ہلیک۔ داکان بیدس شزا فاطمہ خواجہ ایشیائی شونداری بینک انا صدر اہم اوڑدہی کیک۔ بنجائی وزیر اے ڈی بی تون ڈیجیٹل کنیکٹیویٹی ، زرکاری و علاقائی کمکاری نا پوسکن وارخواہی تیا گپ وتران کیک۔ بنجائی وزیر آئی ٹی و ٹیلی کام بشکیک اٹی کاریک(CAREC)وزارتی دیوان نا بنائی سیشن اٹی بشخ ہلیک۔ شزہ فاطمہ ’’سافٹ انفراسٹرکچر و ڈیجیٹل کنیکٹیویٹی ‘‘ نا اہم سیشن اٹی پاکستان نا موقف ءِ پیش کیک۔ بنجائی وزیر تینا تران اٹی علاقائی ڈیجیٹل کمکاری، اسمارٹ کنیکٹیویٹی و ڈیجیٹل انٹیگریشن نا اہمیت ءِ تالان کیک۔