نائب وزیراعظم سینیٹر محمد اسحاق ڈار ماسکو ٹی شنگھائی کمکار تنظیم نا حکومت نا سروک آتا کونسل نا 24 می دیوان اٹی بشخ ہلنگ آن پد روس آن پدی روانہ مس

ماسکو۔ 19 نومبر (اے پی پی) نائب وزیراعظم و وزیرخارجہ سینیٹرمحمد اسحاق ڈار ماسکو ٹی شنگھائی کمکار تنظیم نا حکومت نا سروک آتا کونسل نا 24 می دیوان اٹی بشخ ہلنگ آن پد روس آن پدی روانہ مس۔ چارشنبے نادے آ ترجمان دفترخارجہ نا کنڈآن جاری بیان نا رداٹ نائب وزیراعظم 17 آن 18 نومبر اسکان مروک آ ایس سی او کونسل آف ہیڈز آف گورنمنٹ نا دیوان اٹی پاکستان نا ڈل انا کماشی ءِ کرے۔ نائب وزیراعظم جم و جوش اٹ مہمانداری و دیوان نا سرسہب اڈتننگ آ مہماندار حکومت نا منت واریءِ ہرفے۔ او ماسکو ٹی پاکستان نا سفارت خانہ و دفترخارجہ نا ٹیم تا کنڈآن تینا دورہ ٹی آسراتی فراوان کننگ نا کمکاری نا ہم ستاءِ کرے۔