مزن وزیر شہباز شریف ءَ سئے ملکی سیریز ءَ بہر زوروکیں پاکستان، سری لنکا ءُ زمبابوے ءِ کرکٹ ٹیمب آنی شرپ ءَ سبارگ ءِ دعوت

اسلام آباد۔19نومبر  (اے پی پی): مزن وزیر محمد شہباز شریف ءَ سئے ملکی کرکٹ سیریز ءَ بہر زوروکیں پاکستان، سری لنکا ءُ زمبابوے ءِ کرکٹ ٹیمب آنی شرپ ءَ چار شمبے ءِ روچ ءَ مزن وزیر گس ءَ نان ءِ میزبانی کت۔ سندھ ءِ سر وزیر سید مراد علی شاہ، تہی کارانی وزیر ءُ پی سی بی ءِ چیئرمین سید محسن رضا نقوی، وفاقی وزیر ءِ اھوالکاری ءُ شنگ کاری  عطا اللہ تارڑ، ریلوے ءِ وفاقی وزیر محمد حنیف عباسی، سری لنکا ءِ ہائی کمشنر ریئر ایڈمرل فریڈ سینیویراتھنے  ءُ زمبابوے ءِ ہائی کمیشن ٹائیٹس ابو بسوتو  ہم ھوار بوتگ انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پاکستان ءَ ٹرائی نیشنل سیریز ءَ بھر زوری ءَ پاکستان، سری لنکا ءُ زمبابوے ءِ کرکٹ ٹیمب آنی نیمگ ءَ پیش داشتگیں جزبگ ءُ لگن ستا کرز انت۔ کلیں کھڈکار وتی وتی ملکانی نمائندگی ءَ شریں وڑے ءَ کنگ ءَ اَنت۔ کھڈکاراں میچ آنی تہ ءَ اسپورٹس مین شپ ءُ یکے دومی ءِ شرپ ءِ درور ءِ دیم ءَ آرگ لوٹ ایت کہ آ نوکیں نسل ءِ واستہ چراگ ءِ بستار ءَ کار کنت۔ مزن وزیر ءَ گوشت کہ کرکٹ بورڈ ءِ چیئرمین پی سی بی محسن نقوی ءِ سروکی ءَ جوانیں بندوبست، جوانیں حکمت عملی ءُ مزن پیشہ وارانہ رنگ ءَ سیریز ءِ توامیں میچ آناں جوانیں رنگ ءَ برجم دارگ ءَ انت۔ آئی ءَ گوشت کہ پاکستان ءَ میاں اوستمانی کرکٹ ءِ برجم دارگ ملک ءِ جوانیں امیج ءُ امن ءُ ایمنی ءِ ثبوت انت۔ ملک ءِ تہ ءَ جاری ٹرائی نیشنل سیریز ءَ چہ کرکٹ ءِ شائقین ءَ را مزن تک ءِ گوازی ءِ آسراتی رس ایت۔ امیت انت کہ کرکٹ ءِ وسیلگ ءَ سئیں ملک آنی دوستی ءُ وت مہ وتی کمک ءَ را گیش مھکم بیت ءُ آیوکیں وھد ءَ پاکستان سرجمیں دگنیا ءِ ٹیمب آنی میزبانی ءَ برجاہ دار ایت۔