چینی مزن وزیر لی کیانگ  ءَ گوشت کہ شنگھائی اسپرٹ گلوبل گورننس انیشیٹیو ءِ بنیاتی لیکہ آنی گوما سک باز ھمگرنچ اِنت ءُ ایکو ءِ گور ءَ مھکمیں ادارگی ضمانت ھست اَنت

ماسکو۔19نومبر  (اے پی پی): چین ءِ مزن وزیر لی کیانگ ءَ گوشت کہ شنگھائی کمکی گل ءِ گلوبل گورننس انیشیٹیو ءِ یکجائی ءَ چہ دگنیا ءَ را جوانیں گورننس ءِ چیر دستی ءَ آرگ ءِ تہ ءَ گیشیں کرد پیلو کنگ ءِ موہ رس ایت۔ اے گپ چینی مزن وزیر ءَ روس ءِ بنجاھی شھر ماسکو ءَ برجم داشتگیں ایس سی او ءِ باسکیں ملک آنی حکومت ءِ سروک آنی کونسل ءِ 24می دیوان ءَ گوں گشتانک دیان ءَ کت۔ سی جی ٹی این ءِ رد ءَ روس ءِ مزن وزیر میخائل مشوسٹن ءِ سروکی ءَ اے دیوان ءَ ایس سی او ءِ باسک، نگدکار ءُ گپ ءُ تران ءِ شریک، میزبانیں ملک ءِ مہمان ءُ ھمے رنگ ءَ میاں اوستمانی گل آنی سروک ءُ نمائندگ آنی بھر زوری بوتگ۔ چینی مزن وزیر ءَ گوشت کہ چینی صدر شی جن پنگ ءَ ستمبر ءَ ایس سی او تیانجن سروک دیوان ءَ جی جی آئی ءِ تصور پیش کتگ ات ایشی ءِ تہ ءَ چینی زانت ءُ گیواری پیش کتگ ات کہ ایشی ءِ تہ ءَ میاں اوستمانی براتی ءَ را یکجائی ءَ چہ جھان ءِ بدلی ءُ ترندیں چیلنج آنی گوما گر ءُ چیل بوھگ ءِ کمک رسیت۔ آئی ءَ گلوبل گورننس سسٹم ءِ جوڑیشت ءُ گہتری ءِ تہ ءَ ایس سی او ءِ ارزشت ءِ سر ءَ زور پر دات۔ لی کیانگ ءَ گوشت کہ اولی گپ ایش انت کہ ایس سی او ءَ را وتی منفردیں طاقت آناں کارمرد کنگی انت۔ شنگھائی روح گلوبل گورننس پہل ءِ بنیاتی تصورات ءِ گوما سک باز ہمگرنچ انت۔ ایکو ءِ گور ءَ مزنیں عملی تجربہ ءُ مھکمیں ادارہ جاتی ضمانت است انت ءُ آئی ءَ را اے فوائد ءَ را سرجمیں رنگ ءَ کارمرز کنگ لوٹیت کہ آ گلوبل گورننس ءِ تہا گیشیں کرد پیلو بہ کنت ءُ بنی آدم ءِ ھاتر ءَ یک مشترکہ مستقبل ءِ گوما یک کمیونٹی ءِ جوڑ کنگ ءَ کمک بہ کنت۔ ایکو دیمروئی ءُ ایمنی ءِ کلیدی شوبگ آنی سر ءَ دلگوشی بہ دنت۔ آئی ءَ ایس سی او ءِ ملک آنی سر ءَ زور پر دات کہ آ کمک ءِ وسیلگ ءَ دیمروئی ءُ ایمنی ءَ را گیش بہ کن اَنت، دیمروئی ءِ حکمت عملی آنی یکجاھی ءَ را گیش بہ کن اَنت، مزنیں کوالٹی ءِ بیلٹ اینڈ روڈ کمک ءَ را گیش بہ کن اَنت، جھان ءِ صنعتی ءُ سپلائی چین ءِ استحکام ءُ ھمواریں روانی ءَ را دل یکیمی بہ کن اَنت ءُ یکجائی ءَ یک پچیں ءُ ھواریں جھان ءِ معیشت ءِ جوڑ کنگ ءَ بہ کن اَنت۔ چین زوتاں چہ زوت ایس سی او ءِ دیمروئی بینک ءِ جوڑ کنگ ءِ ھاترا ایس سی او ءِ درستیں باسک آنی گوما کار کنگ ءِ واھشت مند اِنت ءُ چین میٹابولک نادراھی آنی واستہ ایکو تعاون مرکز ءِ جوڑ کنگ ءِ تجویز ءَ دنت۔ آئی ءَ کثیر جہتی ءِ برجائی ءُ جھان ءِ ایمنی ءُ برجائی امن ءِ دیمروئی ءِ ضلورت ءِ سر ءَ زور پر دات۔ ایس سی او ءَ را جدت ءُ بدلی ءِ ھاتر ءَ مھکمیں توانائی ءَ را دیم ءَ برگ لوٹ ایت۔ آئی ءَ سائنس ءُ ٹیکنالوجی ءِ ھوار صنعتی جدت ءِ تہ ءَ کمک ءَ را مھکم کنگ ءِ واستہ یکجائی کوشست آنی سر ءَ زور پر دات، ءُ روایتی توانائی ءُ قابل تجدید توانائی ءِ سر ءَ کمک ءَ را گیش کنگ ءِ لوٹ کت۔ لی کیانگ ءَ گوشت کہ چین ایس سی او ڈیجیٹل معیشت فورم ءُ چین ایس سی او مصنوعی ذہانت کمک فورم ءِ تہ ءَ درستیں فریق آناں سرگرمیں بھر زوری ءَ را وش آتک کنت، آئی ءَ گوشت کہ چین چین ایس سی او ڈیجیٹل معیشت کمک پلیٹ فارم ءُ سائنس اینڈ ٹیکنالوجی ءِ جدت ءِ کمک ءِ مرکز ءِ یکجائی ءَ جوڑ کنگ ءُ جوانیں رنگ ءَ کارمرد کنگ ءِ واھشت مند اِنت۔ آؤخیں پنچ سالاں لی کیانگ ءَ اے گپ ءِ سر ءَ دلگوش گور کت کہ ایس سی او تیانجن سروک دیوان ءَ سروک آنی نیمگ ءَ 35 ءِ سر ءَ تپاک کنگ بوتگ۔2026 ءِ وھد ءِ واستہ ایس سی او ءِ دیمروئی ءِ حکمت عملی ءِ سر ءَ یکجائی ءَ منظوری داتگ۔ ہم آہنگی، کارروائی ءِ صلاحیت ءُ اثر ءُ رسوخ ءَ را دیم ءَ برگ ءُ ایس سی او ءَ را مدام گہتر ءُ مھکم کنگ ءِ ھاتر ءَ دیم ءَ برگ ءَ انت۔ دیوان ءَ بھر زوروکیں ایندگر گل آنی نیمگ ءَ اے گپ ءِ سر ءَ دلگوش گور کنگ بوت کہ ایکو دمگی یکوئی ءِ دیمروئی ءُ منصفانہ ءُ منصفانہ کثیر قطبی دنیا ءِ جوڑیشت ءِ آسراتی ءِ تہ ءَ گیش ءَ چہ گیش ھاسیں کرد پیلو کنگ ءَ اِنت۔ آئی ءَ چہ درستیں گل آناں لوٹ کت کہ آ ایکو تیانجن سروک دیوان ءِ آسر آنی سر ءَ عمل کنگ، تنظیم ءِ میکانزم ءَ را گہتر کنگ، بیلٹ اینڈ روڈ انیشیٹیو ءِ گوما ھمگرنچ بہ بنت ءُ 2026-2035ءِ وھد ءِ واستہ ایکو ءِ دیمروئی ءِ حکمت عملی ءِ سر ءَ عمل کنگ ءِ واستہ دست ءُ دپ بہ کن اَنت۔ آئی ءَ جتا جتائیں گل آنی سر ءَ ھم زور پر دات کہ آ رابطہ، معیشت ءُ تجارت، سیکورٹی ءِ ھوار مردم آنی نیام ءَ تبادلہ ءَ را مھکم بہ کن اَنت۔ تبادلہ، گلوبل گورننس انیشیٹیو ءِ نفاذ، ءُ کثیر جہتی ءِ رکھینگ ءُ اقوام متحدہ ءِ مرکزی کرد ءِ وڑیں شوبگ آں کمک ءَ را دیم ءَ برگ۔ دیوان ءَ پد لی ءُ دگہ رہشوناں معیشت ءُ تجارت، ریلوے، چاگردی دیمروئی ءُ سلامتی ءِ بابت ءَ یکجائی اعلامیہ ءُ کمک ءِ دستاویزات ءِ سرا دستخط کتگ ءُ ایس سی او ءِ جوڑیشت ءِ بابت ءَ ہمگرنچیں منوگری آنی منظوری داتگ۔