ایس سی او ءِ سروک حکومت ءِ دیوان ءِ موہ ءَ روس ءِ دری کارانی وزیر سرگئی لاوروف  ءَ گوں نائب مزن وزیر محمد اسحاق ڈار ءَ گند ءُ نند کتگ

ماسکو۔19نومبر  (اے پی پی): ماسکو ءَ ایس سی او ءِ سروک آنی حکومت ءِ دیوان ءِ ساھت ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ روس ءِ دری کارانی وزیر سرگئی لاوروف ءَ گوں گند ءُ نند کت۔ درئی کارانی کارگس ءِ رد ءَ دوئیں نیمگ ءَ دو نیمگی سیادی ءِ توامیں تک ءُ پھنات آنی سر ءَ چار ءُ تپاسی کتگ ءُ سیادی ءِ استیں جوانیں رپک ءِ سر ءَ دلجمی ءِ درشان کتگ۔ نائب مزن وزیر ءَ روس ءِ دری کارانی وزیر ءَ را ایس سی او ءِ دیوان ءِ کامیاتیں برجم دارگ ءِ پد ءَ مبارکی دات۔ آئی ءَ دو نیمگی سیادی ءَ را گیش مھکم کنگ ءِ واستہ دوئیں ملک آنی سروکی ءُ دو نیمگی ادارگی میکانیزم آنی ھاسیں کرد ءِ ھم ذکر کت۔ دوئیں رہشوناں اقوام متحدہ ءُ ایس سی او ءَ ھوار کثیر جہتی فورم آنی تہ ءَ جوانیں ھمگرنچی ءَ را ھیال ءَ دارگ ءَ دوئیں ملک آنی مفاد ءِ واستہ دمگی ءُ میاں اوستمانی جیڈھ آنی سر ءَ بازیں جیڈھ آنی سر ءَ تران کت ءُ دوئیں ملک آنی مفاد ءِ واستہ آھاں گیش ءُ گیوار کنگ ءِ وعدہ کت۔