وفاقی وزیر عبدالعلیم خان ءَ چینی گیزوبا گروپ ءِ چیئرمین لیو ہوالیانگ ءَ گوں ڈل ءِ گوما گند ءُ نند

اسلام آباد۔19نومبر  (اے پی پی): وفاقی وزیر مواصلات عبدالعلیم خان ءِ ایم 6 ءُ ایم 10 ءِ رند ءِ سیکشن آنی جوڑیشت ءِ تہ ءَ شریکداری ءِ پیشکش چینی کمپنی ءَ من اِتگ۔ چار شمبے ءِ روچ ءَ وزارت مواصلات ءِ نیمگ ءَ جاڑی بوتگیں بیان ءِ رد ءَ چینی گزوبا گروپ ءِ چیئرمین لیو ہوالیانگ ءِ گوما یک ڈل ءِ گوما وفاقی وزیر مواصلات عبدالعلیم خان ءَ گوں گند ءُ نند کتگ۔ گند ءُ نند ءَ تران کنان ءَ عبدالعلیم خان ءَ گوشت کہ پاکستان ءِ کمیں دوستیں ملک آنی تہ ءَ چین نزیک ءُ گرانیں ملک اِنت، پاک چین ءِ کاروبار ءِ دیمروئی اصل ءَ سیادی ءِ مھکم کنگ اِنت، آئی ءَ گوستگیں یک سال ءِ تہ ءَ چار رند ءَ چین ءِ تر ءُ تاب کتگ، دوئیں ملک نزیک بوھگ ءَ اَنت۔ آئی ءَ گوشت کہ مرچی مئے وانگ ءُ زانگ ءِ ادارگ آنی تہ ءَ پاک چین دوستی ءِ سبق وانینگ بوھگ ءَ انت، چین ءَ را ایم 6 ءُ ایم 10 ءِ موٹروے سیکشن آنی تہ ءَ سرمایہ کاری ءِ لوٹ کنگ بوھگ ءَ انت۔ آئی ءَ منسہرا، ناران، کاگھان، بابوسر ءُ چینی سیمسر ءِ شاہراہ ءِ سر ءَ سرمایہ کاری ءِ پیشکش ھم کتگ ءُ گوشت کہ اے شاہراہ قراقرم شاہراہ ءِ بدل اِنت ءُ بیپار ءُ سیل ءُ سواد ءِ رد ءَ المی اِنت۔ چین ءَ ایم 6 ءُ ایم 10 ءِ رند ءِ بھرانی جوڑ کنگ ءَ ھم بھر زورگی اِنت۔ آئی ئَ گوشت کہ کراچی ئَ چہ سکھر ئَ موٹروے بندر ئَ گوں ہمگرنچ کنگ بیت، ایش درستاں چہ گیش المی انت۔ پاکستان ءِ بنیاتی ڈھانچہ ءِ دیمروئی ءِ تہ ءَ مزنیں گنجائش است انت۔ چین ءِ آبادی کم بوہگ ءَ انت وھدیکہ پاکستان ءَ گوں تیزی ءَ گیشی بوگ ءَ انت۔ عبدالعلیم خان ءَ گوشت کہ چین پاکستان ءَ را جتاھیں ملکے ءِ رنگ ءَ مہ چار ایت بلکیں آئی ءِ بھر بہ لیک ایت۔ آبادی ءِ تہا تیزی ءَ گوں گیشی بوھگ ءَ اِنت، زند ءِ لوٹ ءُ گزر ءِ لوٹ ھم گیش بوھگ ءَ اِنت۔ گوستگیں یک سال ءِ تہ ءَ این ایچ اے ءِ آمدنی 66ارب ءَ چہ 109ارب ءَ سر بوتگ۔ آئی ءَ گوشت کہ موٹرویز آنی تہ ءَ سرمایہ کاری چین ءِ واستہ منافع بخش ثابت بیت۔ چین ءُ پاکستان دوئیں دمگ ءِ ھاسیں ملک اَنت۔ چینی بزنس گروپ ءَ پاکستان ءَ موٹروے ایم 6 ءُ ایم 9 ءِ جوڑیشت ءِ بابت ءَ دلگوشی ءِ درشان کتگ۔ چین ءِ ڈل ءَ گوشت کہ پاکستان ءِ اقتصادی دیمروئی ءِ واستہ چین ءِ یک پدریں عزم ءِ است انت ءُ پاکستان ءَ کمیونیکیشن ءُ اے دگہ شوبگ آنی دیمروئی ءِ واستہ چین کمک ءَ را گیش کنت۔