وفاقی وزیر شزہ فاطمہ خواجہ دو روچی تر ءُ تاب ءِ سرا کرغزستان ءَ سر بوتگ

بشکیک۔19نومبر  (اے پی پی): آذربائیجان ءِ سوبمندیں تر ءُ تاب ءَ پد انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ 2روچ ءِ تر ءُ تاب ءَ کرغزستان ءِ شھر بشکیک ءَ سر بوتگ۔ چار شمبے ءِ روچ ءَ آئی ٹی ءُ ٹیلی کام ءِ وزارت ءِ نیمگ ءَ جاڑی بوتگیں بیان ءِ رد ءَ وفاقی وزیر سیادی داروکیں ملک آنی گوما پاکستانی کمپنی آنی بزنس ٹو بزنس مفاہمت نامہ ءِ سر ءَ دستخط کنگ ءِ مراگش ءَ بھر زوری کنت۔ ایشی ءَ ابید شزہ فاطمہ خواجہ ایشیائی دیمروئی بینک ءِ صدر ءَ گوں ھاسیں گند ءُ نند ءَ کنت۔ وفاقی وزیر اے ڈی بی ءِ گوما ڈیجیٹل رابطہ، سرمایہ کاری ءُ دمگی کمک ءِ واستہ نوکیں موہ آنی بابت ءَ گپ ءُ تران کنت۔ آئی ٹی ءُ ٹیلی کام ءِ وفاقی وزیر بشکیک ءَ کیریک ءِ وزارتی دیوان ءِ بنداتی دیوان ءَ بہر زوریت۔ شزہ فاطمہ ’’نرم انفراسٹرکچر ءُ ڈیجیٹل کنکٹیویٹی‘‘ ءِ ھوالگ ءَ کلیدی دیوان ءَ پاکستان ءِ موقف پیش کنت۔ وفاقی وزیر وتی گشتانک ءِ تہ ءَ دمگی ڈیجیٹل کمک، سمارٹ کنکٹیویٹی ءُ ڈیجیٹل انٹیگریشن ءِ ارزشت ءَ را پدر کنت۔