مزن وزیر شہباز شریف ءَ دیوان ءِ سروکی ءَ کنان ءَ آؤکیں سال ءِ مون سون ءَ جانی ءُ مال ءِ تاوان ءَ چہ بچگ ءِ واستہ ترندیں گامگیج کنگ ءِ پنت ءُ شون

اسلام آباد۔19نومبر  (اے پی پی): مزن وزیر محمد شہباز شریف ءَ آیوکیں سال ءِ مون سون ءَ جانی ءُ مال ءِ تاوان ءِ چہ بچگ ءِ واستہ ترندیں گامگیج کنگ ءِ پنت ءُ شون کتگ ءُ گوشت کہ موسمیاتی بدلی ءِ وزارت، منصوبگ بندی ءِ وزارت ءُ راجی آفت ءِ گر ءُ دار ءِ صوبائی منصوبگ بندی ءِ رد ءَ صوبائی حکومت آنی گوما کار کنگ لوٹ ایت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ چار شمبے ءِ روچ ءَ مزن وزیر محمد شہباز شریف ءِ سروکی ءَ موسمی بدلی ءِ گر ءُ دار ءِ واستہ حکومت ءِ حکمت عملی ءِ سر ءَ چار ءُ تپاسی دیوان برجم دارگ بوت۔ مزن وزیر ءَ پنت ءُ شون کت کہ آیوکیں سال ءِ مون سون ءَ جانی ءُ مال ءِ تاوان ءَ چہ بچگ ءِ واستہ ترندیں گامگیج کنگ بہ بیت۔ وزارت موسمیاتی بدلی، وزارت منصوبہ بندی ءُ راجی آفت ءِ گر ءُ دار ءِ اتھارٹی ءَ موسمیاتی بدلی ءِ ھوالگ ءَ یک ھمگرنچیں منصوبگ ءِ جوڑ کنگ ءِ واستہ صوبائی حکومت آنی گوما کار کنگ لوٹ ایت۔ موسمیاتی بدلی ءِ بابت ءَ یک ھمگرنچیں منصوبہ یے جوڑ بہ کن اِت۔ آئی ءَ نیشنل واٹر کونسل ءِ دیوان برجم دارگ ءِ ھم پنت ءُ شون کت کہ ایشی ءِ تہ ءَ آپ ءِ جوانیں بندوبست ءِ واستہ راجی تک ءَ منصوبگ بندی کنگ بہ بیت۔ مزن وزیر ءَ فرمان دات کہ پیش کرتگیں کسانیں مدتی منصوبگ ءِ سرا عمل درآمد ءِ زوت بندات کنگ بہ بیت۔ آئی ءَ گوشت کہ پاکستان یک دیمروئی کنوکیں ملکے، ھمک سال جی ڈی پی ءِ یک مزنیں بھرے ءَ را موسمی مٹ ءُ بدلی ءِ ردیں آسر آنی سر ءَ ھرچ کنگی اِنت ءُ کمیں وسیلگ دیمروئی ءِ بدل ءَ موسمی بدلی ءِ ردیں آسر آنی گر ءُ دار ءِ واستہ کارمرد کنگ بنت۔ مزن وزیر ءَ گوشت کہ پاکستان کہ ایشی ءِ کرد ءِ موسمی مٹ ءِ تہ ءَ کم انت، ایشی ءِ تہ ءَ موسمی مٹ ءِ نا شریں آسر آنی آماچ انت۔ گند ءُ نند ءَ وفاقی وزیر احسن اقبال، احد خان چمھی، محمد اورنگزیب، ڈاکٹر مصدق ملک، عطا اللہ تارڑ ءُ سیادی داروکیں مزن مزنیں حکام ءَ شریک بوتگ۔ دیوان ءَ آیوکیں سال ءَ مون سون ءِ ھوالگ ءَ اشارہ آنی گلوبل پروجیکشن آنی ھوالگ ءَ سرپد کنگ بوت۔ گند ءُ نند ءَ وزارت ءِ موسمی مٹ ءُ بدلی ءِ نیمگ ءَ کسانیں، میاں اوستمانی ءُ دراجیں مدت ءِ منصوبگ آنی بابت ءَ بریفنگ دیگ بوت۔ مزن وزیر ءَ لوکیں وھد  ءُ پاسی  منصوبہ ءِ منظوری دات ءُ پنت ءُ شون کت کہ ایشی ءِ سر ءَ عمل کنگ ءَ را زوت بندات کنگ بہ بیت۔