پاکستانی الس نا ملکی سلامتی کن اوغان بارڈر نا بابت سخت و دوٹوک موقف

اسلام آباد۔ 19 نومبر (اے پی پی) پاکستانی الس ملکی سلامتی کن اوغان بارڈر نا بابت سخت و دوٹوک موقف ظاہر کرینے۔ اوغانستان نا دراندازی و دہشت گردی نا برخلاف پاکستان نا گام گیج آتے الس پورو قومی مفاد گوندانے۔ سرجم حوال آتا رداٹ پاکستانی الس پارینے کہ اوغان بارڈر پدریسہ دراندازی و غیرکانودی ہن و بر نا بنداوی کسر مسنے۔ پاکستانی الس پارے کہ اوغان بارڈر ءِ پورو سیل کرسا اودے جہانی سیم آنبار سخت ٹریٹمنٹ تننگ المی ءِ، دراندازی، اسمگلنگ و دہشت گرد نیٹ ورکس نا ہر سرگرمی اوغان بارڈر تون گنڈوک ءِ، اوغانستان آن دہشت گردی نا چٹنگ اسکان بارڈر ءِ ملنگ قومی سلامتی نا برخلاف مریک، پاکستان بارڈر ہنداخاطران بند کرے تاکہ فتنۃ الخوارج آتا دہشت گرد آک سیم ءِ عبور کننگ کپس، پاکستانی الس پارینے کہ ساڑی آ کچہری جلہو پیدوار شاہدی ءِ کہ دہشت گردی نا روتہ غاک اوغانستان اٹی ساڑی ءُ، اوغان زموار آک بھارت تون اواری اٹ پاکستان ءِ نسخان ایترہ، واپار تون سیکورٹی ءِ خطرہ لاحق مرے تو بارڈر ءِ بند کننگ المی گام اسے، طالبان نا ضدو دہشت گرد زموار آتا کاٹم خواہی برجاسلیس تو پاکستان ءِ تینا سلامتی کن پاک۔ اوغان بارڈر ءِ پورو بند تخنگ المی ءِ۔