جرمن سفیر ءِ اے پی پی بنجاہ ءِ تر ءُ تاب

جرمن سفیر اسلام آباد- 18نومبر (اے پی پی): پاکستان ءَ وفاقی جمہوریہ جرمنی ءِ سفیر اینا لیپل ءَ سئے شمبے ءِ روچ ءَ ایسوسی ایٹڈ پریس آف پاکستان ءِ بنجاہی کارگس ءِ تر ءُ تاب کت، اودا آئی ءَ را سرکاری ھال رسانکی در ءِ نیوز آپریشن ءِ بابت ءَ سرپدی دیگ بوت۔ یک گند ءُ نند ءِ تہ ءَ اے پی پی ءِ ایگزیکٹو ڈائریکٹر سبین عثمان خٹک ءَ سفیر ءَ را پکوئیں ھال آنی شنگ ءُ تالان کنگ ءِ تہ ءَ اے پی پی ءِ نیمگ ءَ چہ کرد ءِ بابت ءَ سرپدی دات۔ ڈائریکٹر نیوز اے پی پی، شمائلہ اندلیب ءَ نیوز آپریشن ءِ سر ءَ چمشانک دات کہ اے پی ءَ بازیں زبان آنی نیوز سروسز ءُ سرجمیں ملک ءَ نمائندہ آنی مزنیں نیٹ ورک ءِ است۔ سفیر لیپل ءَ جتا جتائیں شوبگ آنی تہ ءَ دو نیمگی سیادی آناں مھکم کنگ ءِ ضلورت ءِ سر ءَ زور پر دات ءُ جرمنی ءِ پاکستان ءِ گوما جوانیں ھاٹیگ ، موسمیاتی مٹ ءُ بدلی ءُ اقتصادی کمک ءِ پڑ ءَ زور پر دات۔ اے پی پی ءِ ایگزیکٹو ڈائریکٹر ءَ جرمن سفیر ءَ را سرکاری حالجاہ ءِ تر ءُ تاب ءِ درگت ءَ سوگاتی شیلڈ دات۔ گند ءُ نند ءَ جرمنی سفارت خانہ ءِ کمیونیکیشن، دود ءُ ربیدگ ءِ کار ءُ پروٹوکول ءِ سروک جان جیرالڈ کراؤسر ءُ ڈپلومیٹک ءُ گلوبل افیئرز ءِ ڈپٹی ڈائریکٹر اے پی پی مدثر اقبال ھم ھوار بوتگ۔ ایشی ءَ پد سفیر ءَ اے پی پی اسٹوڈیو ءِ تر ءُ تاب کت، اودا آئی ءَ یک ھاسیں گلگدار ءِ دات، جرمنی ءِ پاکستان ءَ را جتا جتائیں پڑ آنی تہ ءَ کمک ءِ سر ءَ چمشانک دات۔