بلوچستان ءِ سر وزیر میر سرفراز بگٹی ءَ گوشت کہ حکومت سیاسی ھمگرنچی، دیمروئی ءِ تسلسل ءُ راج دوستی ءِ ایجنڈا ءِ سر ءَ مھکمیں رنگ ءَ دیم ءَ روگ ءَ اِنت

کوئٹہ۔ 18 نومبر (اے پی پی): لیڈر آف اپوزیشن میر یونس عزیز زہری، باسک  صوبائی اسمبلی انجینئر زمرک خان اچکزئی، سید ظفر آغا، حاجی طور خان اتمانخیل  ءُ  بلوچستان بورڈ آف انویسٹمنٹ اینڈ ٹریڈ  ءِ  وائس چیئرمین بلال خان کاکڑ  ءَ گوں گند ءُ نند کتگ۔ سرفراز بگٹی سئے شمبے ءِ روچ ءَ گند ءُ نند آنی تہ ءَ استیں  سیاسی جاور، برجاھیں دیمروئی منصوبگ، وشھالی راجی ءُ دومی نیمگ ءَ ھب ءُ واھگ ءِ دگہ جیڈھ آنی سر ءَ سرجمیں رنگ ءَ گپ ءُ تران کنگ بوت۔ اے موہ ءِ سر ءَ بنجاھی وزیر بلوچستان میر سرفراز بگٹی ءَ تران کنان ءَ گوشت کہ صوبائی حکومت شفاف گورننس، گہتریں ازمت پجاری ءُ السی جیڈھ آنی گیواری ءِ واستہ مدام سرگرم انت۔ آئی ءَ گوشت کہ اسمبلی ءِ باسک الس ءِ راستیں نمائندہ اَنت، ایشانی پنت ءُ شون صوبائی پالیسی آناں گہتر کنگ ءَ مزنیں کردے پیلو کن اَنت۔ حکومت درستیں اسٹیک ہولڈر آنی گوما کمک ءَ اجتماعی مفاد ءِ رد ءَ پیسلہ کنگ ءَ انت تانکہ دیمروئی ءُ امن ءِ عمل ءَ را گیش مھکم بہ بیت۔ بنجاھی وزیر ءَ گوشت کہ بلوچستان ءِ دیمروئی ءُ وشھالی مئے اولی ترجی اِنت، ایشی ءِ واستہ سرمایہ کاری ءِ دیمروئی، ورنا آنی واستہ گہتریں روزگار ءِ موہ ءُ بنیاتی ڈھانچہ ءِ مھکم کنگ ءِ سر ءَ ھاسیں دلگوشی دیگ بوھگ ءَ اِنت۔ آئی ءَ گوشت کہ بلوچستان بورڈ آف انویسٹمنٹ اینڈ ٹریڈ ءَ را سرگرم جوڑ کنگ بوتگ تانکہ کاروباری چاگرد گہتر بہ بیت، سرمایہ کار آناں آسراتی رس ایت ءُ اقتصادی چست ءُ ایر آنی تہ ءَ گیشی بہ بیت۔ اے موہ ءِ سر ءَ آئی ءَ اسمبلی ءِ باسک آناں دل یکیمی دات کہ آھانی حلقہ آنی الس آنی گہبود ءَ گوں سیادی داروکیں دراہیں منصوبگ اولی ترجی ءِ بنیاد ءَ سرجم کنگ بنت۔ بنجاھی وزیر ءَ اے جزم ءِ یک رندے پدا گوشت کہ حکومت سیاسی یکوئی، دیمروئی ءِ تسلسل ءُ السی مفاد ءِ ایجنڈا ءِ سر ءَ مھکمیں رنگ ءَ دیم ءَ روگ ءَ اِنت۔