امریکی قائم مقام سفیر نیٹلی بیکر ءَ وفاقی وزیر داخلہ محسن نقوی ءَ گوں گند ءُ نند

اسلام آباد۔18نومبر  (اے پی پی): امریکی قائم مقام سفیر نیٹلی بیکر ءَ وفاقی تہی کارانی وزیر محسن نقوی ءَ گوں گند ءُ نند کت۔ امریکہ ءِ قائم مقام سفیر نیٹلی بیکر ءَ اسلام آباد ءِ آمیدگس ءِ نزیک ءَ وت کُش تراک ءِ مذمت کتگ ءُ تراک ءَ بیران بوتگیں مردمانی کھول ءِ گوما ھمدردی ءِ درشانی کتگ۔ وزارت داخلہ ءِ نیمگ ءَ جاڑی بوتگیں بیان ءِ رد ءَ امریکی قائم مقام سفیر نیٹلی بیکر ءَ ناشرکاری ءِ ھلاپ ءَ جنگ ءَ پاکستان ءِ قربانی آناں شگر ءُ منت درشان کتگ۔ وفاقی تہی کارانی وزیر محسن نقوی ءَ امریکی قائم مقام سفیر نیٹلی بیکر ءَ گوں تران کنان ءَ گوشت کہ ناشرکار آمید گس ءَ نشانگ جوڑ کنگ لوٹ اتگ بلے سیکورٹی ءِ سبب ءَ آمید گس ءَ آمید گس ءَ آتک نہ کتگ۔ اُرش ءِ گوں سیادی داروکیں درستیں کردارانی پجار کنگ بوتگ وھدے کہ آسراتی ءِ دیم ءَ آرگ ءِ کارندہ ھم دزگیر کنگ بوتگ اَنت۔ آئی ءَ گوشت کہ اے وئیل ءِ پٹ ءُ پول ھمک نیمگ ءَ چہ برجاہ انت۔ وفاقی تہی کارانی وزیر محسن نقوی ءَ گوشت کہ گپ ءُ تران ءُ ناشرکاری اُرش یکجائی ءَ شت نہ کن اَنت۔ آئی ءَ گوشت کہ پاکستان ءُ امریکہ ءِ سیادی دوستی ءُ وت مہ وتی دل یکیمی ءِ سر ءَ انت۔ امریکی قائم مقام سفیر نیٹلی بیکر ءَ ناشرکاری ءِ ھلاپ ءَ پاکستان ءِ کوشست آناں ساڑات۔ اے موہ ءِ سر ءَ آئی جی اسلام آباد پولیس ءُ اے دگہ کارندہ ھم ساڑی بوتگ اَنت۔