پاکستان ءِ راجدپتر ءَ اولی رند ءَ کراچی بندرگاہ ءَ سٹینڈرڈ بنکرنگ آپریشن بندات کنگ ءِ جار

اسلام آباد۔18نومبر  (اے پی پی): وفاقی وزیر برائے میری ٹائم محمد جنید انور چوہدری ءَ پاکستان ءِ راجدپتر ءَ اولی رند ءَ کراچی بندرگاہ ءَ سٹینڈرڈ بنکرنگ آپریشن بندات کنگ ءِ جار جتگ۔ سئے شمبے ءِ روچ ءَ وزارت ءِ نیمگ ءَ جاڑی بوتگیں پریس ریلیز ءِ رد ءَ وفاقی وزیر ءَ گوشت کہ اے گامگیج ءَ پاکستان ءِ مزنیں بندرگاہ ءَ را جھان ءِ میری ٹائم سیفٹی ءُ آپریشنل اسٹینڈرڈز ءِ رد ءَ آرگ بیت، اے گامگیج ءَ را دیراں چہ دمگی جہاز رانی مارکیٹ ءَ ملک ءِ پوزیشن ءَ را گہتر کنگ ءِ واستہ المی لیکگ بوتگ۔ محمد جنید انور چوہدری ءَ گوشت کہ بنکرنگ ءِ بزانت تیل ءُ گیس ءِ وڑیں دریائی ایندھن آنی ذخیرہ کنگ، ٹرانسفر ءُ انتظام کنگ اِنت تانکہ جہاز آناں دیم ءَ برگ ءُ جہاز ءِ کارمرد کنگ ءِ واستہ ایندھن ءِ پھجارینگ بہ بیت۔ مناسب بنکرنگ ءِ سبب ءَ محفوظ، موثر ءُ ماحول دوستیں تیل ءِ بھر کنگ ءَ را یقینی جوڑ کنگ بیت، ہموار سمندری ٹرانسپورٹ ءُ عالمی شپنگ آپریشن ءِ اہل کنگ بیت۔ محمد جنید انور چوہدری ءَ گوشت کہ اے گامگیج مزن وزیر ءِ ہدایت ءِ رد ءَ بندات کنگ بوتگ آئی ءَ بندرگاہ ءِ ازمت آناں ترند، نوکیں ءُ پاکستان ءِ میری ٹائم انفراسٹرکچر ءَ را سرجمیں رنگ ءَ اپ گریڈ کنگ ءِ سر ءَ زور پر داتگ۔ آئی ءَ گوشت کہ ریگولیٹڈ بنکرنگ ءِ بندات ءَ چہ کراچی بندرگاہ ءِ سروس آفرنگ ءِ تہ ءَ یک دیریں فرق ءِ بند کنگ بیت، ایشی ءَ چہ آ دمگ ءُ گیشیں دمگ ءَ جوڑ بوتگیں بنکرنگ ہب آنی گوما گیش موثر رنگ ءَ مقابلہ کنگ ءِ اہل بیت۔ وفاقی وزیر ءَ گوشت کہ ایمن، معتبر ءُ جوانیں رنگ ءَ انتظام ءِ بنکرنگ آسراتی آنی دستیابی ءَ چہ کراچی ءَ گیشیں میاں اوستمانی شپنگ لائن آناں را وتی نیمگ ءَ رازیگ کنگ ءِ اُمیت اِنت ھاسیں رنگ ءَ آپریٹر آناں کہ آ ھمواریں پورٹ کال ءُ پیش گوئی ءِ سروس ءِ معیار آنی لوٹ ءَ کن اَنت۔ محمد جنید انور چوہدری ءَ گوشت کہ جہاز ءِ ٹریفک ءِ تہ ءَ گیشی ءَ چہ بندرگاہ ءِ فیس، سمندری ازمت ءُ ایشی ءَ گوں سیادی داروکیں تجارتی کاروائی چوشکہ مرمت، سامان ءُ سمندری رسد ءِ وسیلگ ءَ گیشیں درملکی زرّ ءِ آمدنی ءِ تہ ءَ بدل بیت۔ بندرگاہ ءِ کاروائی آنی تہ ءَ متوقع گیشی ءَ چہ سمندری معیشت ءِ یک چہ گیش تہہ آنی تہ ءَ روزگار ءَ را گیش کنگ ءِ ھم اندازہ جنگ بوتگ۔ وفاقی وزیر ءَ گیش گوشت کہ نوکیں سروس ءَ چہ جدید، چاگردی ذمہ وار ءُ جھان ءِ تہ ءَ مقابلہ ءِ بندرگاہ ءِ انتظام ءِ واستہ ملک ءِ جزم ءِ درشان کنگ ءَ چہ میاں اوستمانی میری ٹائم مارکیٹ ءَ پاکستان ءِ دیم ءَ آیگ ءَ را گیش کنگ بیت۔ آئی ءَ گوشت کہ جہاز ءِ واھند ءُ میاں اوستمانی تجارتی کمپنی آنی نیام ءَ اعتماد ءِ جوڑ کنگ ءِ واستہ ایندھن ءِ کوالٹی، سیفٹی ءِ کارروائی، دستاویزات ءُ شفافیت ءِ سر ءَ ھواریں میاں اوستمانی معیار آنی سر ءَ عمل کنگ المی اِنت۔ وفاقی وزیر ءَ گوشت کہ اولی بھر ءِ کاروائی دگنیا ءِ نامداریں توانائی ٹریڈنگ ہاؤس آنی تہ ءَ یک ءِ کمک ءَ گوں بندات کنگ بیت، آ کراچی بندرگاہ ءَ میاں اوستمانی تک ءَ سرٹیفائیڈ رھبند آنی کارمرد کنگ ءَ بنکرنگ کنت۔ آئی ءَ گوشت کہ منصوبگ ءِ تہ ءَ گیشی ءِ گمان اِنت پرچا کہ ملکی ریفائنری آنی تہ ءَ مزنیں کساس ءَ ریفائنڈ ایندھن ءِ سپلائی کنگ بیت کہ آ گلوبل سپیسیفیکیشنز ءَ را سرجم کنت۔ آئی ءَ اے دیمروئی ءَ را راجی خزانہ ءَ را مستقیمیں نفع لیک اتگ۔ محمد جنید انور چوہدری ءَ گوشت کہ کراچی پورٹ ٹرسٹ ءَ استیں بنکرنگ ءِ رھبند آنی سر ءَ چار ءُ تپاسی کتگ، گلوبل پروسیجر آنی سر ءَ چار ءُ تپاسی کتگ، نوکیں دستاویز جوڑ کتگ ءُ سروس ءَ را آن لائن آرگ ءِ واستہ اسٹیک ہولڈر آناں گوں ھمگرنچ کتگ۔ آئی ءَ گوشت کہ اے سنگ میل کے پی ٹی ءِ مزنیں دمگی مرکز ءِ بستار ءَ کار کنگ ءِ عزائم ءَ را گیش مھکم کنت ءُ حکومت ءِ ارادہ ءِ نشانی اِنت کہ آ بندرگاہ ءِ توانائی آناں میاں اوستمانی معیار آنی رد ءَ گیش کنگ ءَ برجاہ بہ دار ایت۔\932