مزن وزیر محمد شہباز شریف ءَ گوشت کہ پاکستان ءَ سکھ کمیونٹی ءِ پاکیں جاھ آنی رکھینگ ءُ ھمک وڑیں آسراتی آنی پھجارینگ ءَ را دل یکیمی کنگ بوھگ ءَ اِنت، مزن وزیر محمد شہباز شریف ءَ امریکہ ءَ سکھ کمیونٹی آرگنائزیشن ءِ صدر جسدیپ سنگھ ءَ گوں گپ ءُ تران

اسلام آباد۔18نومبر  (اے پی پی): مزن وزیر محمد شہباز شریف ءَ گوشت کہ پاکستان ءَ سکھ کمیونٹی ءِ پاکیں ھند ءُ گردوار آنی رکھینگ ءُ ھمک رنگ ءِ آسراتی آنی پھجاری ءَ را دل یکیمی کنگ بوھگ ءَ انت۔ اے ھیالانی درشانی آئی ءَ امریکہ ءَ سکھ کمیونٹی آرگنائزیشن ءِ صدر جسدیپ سنگھ ءَ گوں گپ ءُ تران کنان ءَ کت آئی ءَ سئے شمبے ءِ روچ ءَ ایوان ءِ گوما گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ وفاقی وزیر کانود ءُ انصاف اعظم نظیر ترار ءُ پاکستانی نژادیں امریکی کاروباری مردم ساجد ترار ھم ھوار بوتگ اَنت۔ مزن وزیر ءَ جسدیپ سنگھ ءِ پاکستان ءَ آیگ ءِ پد ءَ وش آتک کنان ءَ گوشت کہ پاکستان ءَ سکھ آنی بازیں پاکیں مذھبی جاھ است اَنت، سکھ کمیونٹی ءِ مردم سرجمیں دگنیا ءَ چہ مذہبی رسم آنی پیلو کنگ ءِ واستہ کاینت ءُ پاکستان آوانی مہمانداری ءَ کنت۔ آئی ءَ گوشت کہ ما پاکستان ءَ آیوکیں سکھ کمیونٹی ءَ را ھمک رنگ ءِ آسراتی پجارینگ ءِ کوشست ءَ کنگ ءَ ایں، اے مئے واستہ فخر ءِ گپ انت کہ پاکستان سکھ کمیونٹی ءِ پاکیں جاھ ءُ گردوارہ آنی ھیال داری ءَ کنگ ءَ انت ءُ ادا ھمک رنگ ءِ آسراتی پجاری کنگ ءَ انت۔ مزن وزیر ءَ گوشت کہ ما پاکستان ءَ نندوکیں سکھ کمیونٹی ءِ گہبود ءِ واستہ حکمت عملی جوڑ کن ایں ءُ سرجمیں دگنیا ءَ چہ سکھ زیارتی آناں گیش ءَ چہ گیش آسراتی پجاری کن آں ۔ مزن وزیر ءَ اوورسیز پاکستانی آنی بابت ءَ گوشت کہ بھوری ملک ملک ءِ دیمروئی ءُ وشھالی ءُ ملک ءَ را نامدار کنگ ءِ تہ ھاسیں کرد پیلو کنگ ءَ انت۔ جسدیپ سنگھ ءَ پاکستان ءَ جوانیں مہمان داری ءُ سکھ زیارتی آنی مہمان داری ءِ پد ءَ مزن وزیر ءُ پاکستان حکومت ءِ شگر ءُ منت گپت۔