صدر آصف علی زرداری ءَ خیبر پختونخوا ءَ 15 خوارج ءِ کوش ءِ سرا سیکورٹی فورسز ءِ توسیپ کتگ

اسلام آباد۔18نومبر  (اے پی پی): صدر آصف علی زرداری ءَ خیبر پختونخوا ءَ دو سوبمندیں آپریشن ءِ تہ ءَ 15خوارج ءِ کوش ءِ سر ءَ سیکورٹی فورسز ءِ توسیپ کنان ءَ گوشت کہ درملکی کمک ءَ گوں وطن ءَ کار کنوکیں ناشرکار آنی سرجمیں ھلاسی راجی تپاکی ءَ گوں برجاہ بیت۔ سئے شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ بھارت ءِ حمایت کتگیں فتنہ الخوارج ءِ کارندہ آنی کوش ءِ سبب سیکورٹی فورسز ءِ سوبمندیں حکمت عملی اِنت۔ آئی ءَ گوشت کہ ’’جزم برجئی‘‘ ءِ چیر دستی ءَ برجاھیں ناشرکاری ءِ ھلاپ ءَ مہم ملک ءَ برجمیں امن ءِ برجائی ءِ واستہ راجی کوشست آنی درشان انت۔ صدر ءَ اے گپ پدر کت کہ انتہا پسندی ءُ ناشرکاری ءِ ھلاپ ءَ راجی تپاکی ءَ را ھراب کنگ ءِ ھاترا ھچ وڑیں سیاسی پینتری یا دلگوشی ءَ را دگہ رنگ ءَ کشگ ءِ کوشست سگ ءُ اوپار  کنگ نہ بیت۔ صدر آصف علی زرداری ءَ سیکورٹی فورسز ءُ کانود ءِ نفاذ ءِ ادارگ آنی جزم ءُ بہادری ءَ را سلام پیش کنان ءَ گوشت کہ اللہ تعالیٰ ءِ فضل ءُ کرم ءَ چہ پاکیں سرڈگار زوت چہ درملکی مردمانی درستیں بدیں چیزاں پاک کنگ بیت۔