مصر ءِ سفیر ءَ نیک راھی کار ءِ وفاقی وزیر ءَ گوں گند ءُ نند کتگ، نیک راھ آنی وت مہ وتی تپاکی ءِ دیمروئی ءِ بابت ءَ گپ ءُ تران کتگ

اسلام آباد۔18نومبر  (اے پی پی): مصر ءِ سفیر ڈاکٹر ایہاب عبد الحمید  ءَ نیک راھی کار ءُ نیک راھ آنی وت مہ وتی تپاکی ءِ وفاقی وزیر سردار محمد یوسف ءَ گوں گند ءُ نند کت۔ دیوان ءِ تہا مذہبی عدم سگ ءُ اوپار ، ناشرکاری ءُ نیک راھ آنی وت مہ وتی تپاکی ءِ دیمروئی ءِ دیمروئی ءِ رجحان ءِ بابت ءَ سوج ءُ سوج ءِ سرا تران کنگ بوتگ۔ مذہب ءِ وزیر ءَ تران کنان ءَ گوشت کہ دگنیا ءَ امن ءِ برجائی ءِ واستہ مذہب ءُ تہذیب آنی نیام ءَ گپ ءُ تران ءِ زوتیں ضلورت انت۔ اے رد ءَ پاکستان ءُ مصر یکجائی ءَ کار بہ کن اَنت ۔ گند ءُ نند ءَ اے گپ ءِ سر ءَ تپاک کنگ بوت کہ پاکستان ءُ مصر ءِ نیام ءَ اقتصادی، تجارتی ءُ ثقافتی سیادی آناں گیش دیمروئی دیگ بہ بیت۔ مصر ءِ سفیر ءَ گوشت کہ پاکستان ءَ اسکالر آناں مصر ءَ روان دیگی اِنت تانکہ آ دگنیا ءِ کوھن تریں وانگ ءُ زانگ ءِ ادارگ الازھر یونیورسٹی ءِ تجروبت ءُ وانینگ ءَ چہ سیت چست بہ کن اَنت۔ فیلڈ مارشل سید عاصم منیر ءَ گوستگیں ماہ ءَ مصر ءِ تر ءُ تاب کتگ ات۔ مصر ءَ الازہر یونیورسٹی ءِ نگرانی ءَ اسلام آباد ءَ نوکیں وانگ ءُ زانگ ءِ ادارہ ءِ جوڑ کنگ ءِ پیشکش کتگ۔ وفاقی وزیر سردار محمد یوسف ءَ الازہر یونیورسٹی ءِ چیردستی ءَ اسلام آباد ءَ ادارگ ءِ جوڑ کنگ ءِ پیشکش ءَ را وش اتک کت۔ گند ءُ نند ءَ انتہا پسندی ءُ بنیاد پرستی ءِ ھلاسی ءُ بین المذاہب یکوئی ءِ دیمروئی ءِ واستہ کمک ءَ را گیش کنگ ءِ سر ءَ تپاک کنگ بوت۔