مواصلات ءِ وفاقی وزیر عبدالعلیم خان ءَ موٹروے ایم 5 جلال پور پیروالہ ءِ تر ءُ تاب کتگ، این ایچ اے ءِ کارندہ آناں پنت ءُ شون کتگ کہ آ مرمت ءِ کاراں جوانیں ءُ وھد ءِ سر ءَ سرجم بہ کن اَنت

ملتان۔18نومبر  (اے پی پی): مواصلات ءِ وفاقی وزیر عبدالعلیم خان ءَ این ایچ اے ءِ کارندہ آناں پنت ءُ شون ءُ ھال داتگ کہ آ مرمت ءِ کاراں جوانیں ءُ وھد ءِ سر ءَ سرجم بہ کن اَنت ءُ گوشت کہ نا معیاری کار سگ ءُ اوپار  کنگ نہ بنت۔ سئے شمبے ءِ روچ ءَ وزارت مواصلات ءِ نیمگ ءَ جاڑی بوتگیں بیان ءِ رد ءَ وفاقی وزیر مواصلات عبدالعلیم خان ءَ موٹروے ایم 5 جلال پور پیروالہ ءِ تر ءُ تاب کتگ۔ آئی ءَ سیلاب ءَ پد موٹروے ایم 5 ءِ سر ءَ جاری بحالی ءِ کار آنی چار ءُ تپاسی کت۔ وفاقی وزیر ءَ این ایچ اے ءِ کارندہ آناں پنت ءُ شون کتگ کہ آ مرمت ءِ کاراں جوانیں ءُ وھد ءِ سر ءَ سرجم بہ کن اَنت۔ وفاقی وزیر مواصلات ءَ اے ھم پنت ءُ شون کت کہ 30نومبر ءَ تاں موٹروے ءِ یک نیمگی بحالی ءَ را دل یکیمی کنگ بہ بیت۔آئی ءَ گوشت کہ ٹریفک ءِ بحالی ءَ ھوار شہری آناں دیم ءَ اتکگیں جیڈھ آناں زوتاں چہ زوت گیش ءُ گیوار کنگ بہ بیت۔ آئی ءَ NH ءِ کارندہ آناں ھال داتگ کہ نا معیاری کار سگ ءُ اوپار  کنگ نہ بنت۔ وفاقی وزیر مواصلات عبدالعلیم خان ءَ یک ہفتگے ءَ پد پیشرفت ءِ رپورٹ ءِ لوٹ کنگ ءِ وھد ءَ گوشت کہ آ پدا تر ءُ تاب ءَ کنت۔ وفاقی وزیر مواصلات عبدالعلیم خان ءَ ایم 5 موٹروے ءِ سر ءَ آرام گس آنی ھم تر ءُ تاب کت ءُ این ایچ اے ءِ کارندہ آناں نا شریں بندوبست ءِ سر ءَ ڈانٹ ات ءُ گوشت کہ لاپروائی سگ ءُ اوپار  کنگ نہ بیت، ساپیں واش روم ءُ ٹک شاپ آناں دل یکیمی کنگ بیت۔ وفاقی وزیر مواصلات ءَ گوشت کہ مسافر آناں گیش ءَ چہ گیش آسراتی دیگ ءِ حق است، اگاں آسراتی معیاری ءُ موزوں بہ بنت گڈا شہری ھم ٹیکس دیگ ءَ تیار اَنت۔ وفاقی وزیر مواصلات ءَ ایم 5 موٹروے ءَ را ایمن ءُ آرام دہ جوڑ کنگ ءِ پنت ءُ شون داتگ۔ آئی ءَ گوشت کہ جلال پور پیروالہ ءَ این ایچ اے مدام سرگرم اِنت، زوت سرجمیں بحالی بیت۔ اے موہ ءِ سر ءَ وفاقی وزیر مواصلات عبدالعلیم خان ءَ را NH ءِ کارندہ آنی انوگ ءَ تاں جاور ھال آنی بابت ءَ سرپد کنگ بوت۔