وزیر خزانہ محمد اورنگزیب ءَ ڈائیلاگ ءِ ڈل ءِ گوما گند ءُ نند ءَ گوشت کہ حکومت یک مقابلہ ءِ ٹیرف ءِ نظام، توانائی ءِ شوبگ ءِ برجائی ءُ نجی شوبگ ءِ گیشیں ھوار بوھگ ءِ ھاترا جزم اِنت ءُ ڈھانچہ ءِ اصلاحات ءِ پروگرام ءِ سر ءَ عمل کنگ ءِ کار جاری اِنت

اسلام آباد۔18نومبر  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ حکومت مقابلہ ءِ ٹیرف ءِ نظام، توانائی ءِ شوبگ ءِ برجائی ءُ نجی شوبگ ءِ گیش ءَ چہ گیش ھوار بوھگ ءِ واستہ جزم انت۔ ٹیکس ءِ سرا ، توانائی ءِ شوبگ ءِ نوکیں دروشم ، سرکاری ادارگ آنی نجکاری ، گورننس ءِ تہ ءَ گہتری ءُ وفاقی ھرچ ءُ درچ ءِ عقلی کنگ ءِ سر ءَ دلگوشی دیگ بوھگ ءَ اِنت۔ جتا جتائیں شوبگ آنی تہ ءَ ڈھانچہ ءِ اصلاحات پروگرام ءِ سر ءَ عمل درآمد ءِ کار جاری اِنت۔ وزیر ءِ ھزانگ ءَ اے ھیالانی درشانی سئے شمبے ءِ روچ ءَ پیٹر تھیل ءُ ایورین ہافمین ءِ نیمگ ءَ جوڑ کتگیں گلوبل لیڈر شپ پلیٹ فارم ڈائیلاگ ءِ مزن تک ءِ ڈل ءِ گوما سرجمیں گند ءُ نند ءَ کت۔ ڈل ءِ سروکی ءَ سفیر علی جہانگیر صدیقی ءَ کتگ ات۔ اے ڈل ءِ تہ ءَ برطانیہ ءِ چانسلر سائمن اسٹیونز ، آسٹرین پارلیمان  ءِ باسک  وائٹ ویلَنٹین ڈینگلر، جیگ سا گوگل  ءِ  سی ای او یاسمین گرین ،ایکس باکس مائیکروسافٹ  ءِ  وائس پریزیڈنٹ فا طمہ کاردار ،ملٹی فیتھ الائنس  ءِ  سی ای اوشیڈی مارٹینی، ایجوکیشنل سپرہائی وے  ءِ  سی ای اوایوان مارویل  ءُ  ناروے  ءِ   پارلیمان ءِ باسک  ہیمانشوگلاٹی  ءِ ھواریں نامداریں میاں اوستمانی مردم ھوار اتنت۔ ڈل ءِ وش اتک کنان ءَ وزیر ءِ ھزانگ ءَ پاکستان ءِ گوما گپ ءُ تران ءِ برجاھیں ھوار بوھگ ءِ ساڑات کت ھاسیں رنگ ءَ 2024 ءَ اولی ڈائیلاگ پاکستان زمستان ءَ چہ برجاھیں کمک ءِ ساڑات ءُ گوشت کہ ایشی ءَ چہ پاکستان ءِ اقتصادی منظر نامہ ءُ سرمایہ کاری ءِ گنجائش ءِ بابت ءَ جھان ءِ سرپدی ءَ را گہتر کنگ ءَ کمک رستگ۔ سفیر علی جہانگیر صدیقی ءَ ڈل ءَ را پجار کت، ایشی ءَ پد وزیر ءِ ھزانگ ءَ ڈل ءَ را سرجمیں بریفنگ دات۔ وزیر ءِ ھزانگ ءَ گوستگیں 18ماہ ءِ تہ ءَ پاکستان ءِ سرجمیں معیشت ءِ برجائی ءِ سر ءَ زور پر دات ءُ گوشت کہ کلیدی اقتصادی اشارہ آنی تہ ءَ گہتری ءِ سبب ءَ سئے میاں اوستمانی کریڈٹ ریٹنگ ایجنسی فچ، ایس اینڈ پی ءُ موڈیز ءَ پاکستان ءِ ریٹنگ ءَ را اپ گریڈ کتگ۔ اقتصادی برجائی ءِ سبب ءَ پاکستان ءُ میاں اوستمانی مالیاتی فنڈ ءِ نیام ءَ توسیعی فنڈ سہولت پروگرام ءِ چیر دستی ءَ دومی چار ءُ تپاسی سوبمندیں رنگ ءَ سرجم کنگ بوتگ ءُ اسٹاک ءِ تک ءَ یک معاہدے ءِ سر ءَ سر بوتگ، وھدیکہ موسمی بدلی ءَ گوں گر ءُ چیل بوھگ ءِ پروگرام ءَ ھم پیشرفت بوتگ، ایشی ءَ چہ ملک ءِ معیشت ءِ سر ءَ میاں اوستمانی بھروسہ ءِ درشانی کنگ بوتگ۔ وزیر خزانہ ءَ جیو پولیٹیکل جاور ھال ءِ گہتری، امریکہ، چین ءُ سعودی عرب ءِ گوما سیادی ءَ را مھکم کنگ ءُ سی پیک فیز 2.0 ءِ بندات ءِ سر ءَ زور پر دات کہ ایشی ءِ تہ ءَ کاروباری سرمایہ کاری، برآمدات ءِ سر ءَ مبنی صنعتی زون ءُ یکجائی منصوبگ آنی سر ءَ دلگوشی دیگ بیت۔ وزیر ءِ ھزانگ ءَ گوشت کہ جتا جتائیں شوبگ آنی تہ ءَ ڈھانچہ ءِ پروگرام آنی سر ءَ عمل کنگ بوھگ ءَ اِنت، ایشی ءِ تہ ءَ ٹیکس ءِ سر ءَ دلگوشی دیگ بوھگ ءَ اِنت، توانائی ءِ شوبگ ءِ نوکیں رنگ ءَ جوڑ کنگ، سرکاری ادارگ آناں نجکاری، گورننس ءَ را گہتر کنگ ءُ وفاقی ھرچ ءُ درچ ءَ را عقلی کنگ ءِ سر ءَ دلگوشی دیگ بوھگ ءَ اِنت۔ آئی ءَ گوشت کہ حکومت ٹیکس نیٹ ءَ را گیش ءُ گیوار کنگ ءِ واستہ گامگیج زورگ ءَ اِنت، ٹیکنالوجی ءُ مصنوعی ذہانت ءِ سر ءَ بنیات ءِ سر ءَ نگرانی ءِ سر ءَ عمل کنگ ءَ اِنت، رئیل اسٹیٹ، کشت ءُ کشاری ءُ ہول سیل / خوردہ ءِ وڑیں کم ریگولیٹڈ شوبگ آناں ٹیکس نیٹ ءَ را آرگ ءَ اِنت ءُ ٹیکس ءِ رد ءَ عمل کنگ ءَ را گہتر کنگ ءَ اِنت۔ وزیر خزانہ ءَ پنشن اصلاحات ءِ تہ ءَ پاکستان ءِ پیشرفت، نوکیں ملازم آنی واستہ کمکی اسکیم آنی تہ ءَ رھادگ بوھگ ءُ دراجیں مدتی مالیاتی ذمہ واری آنی گیواری ءِ واستہ آیوکیں گامگیج آنی سر ءَ ھم زور پر دات۔ توانائی ءِ شوبگ ءِ اصلاحات ءِ حوالہ ءَ وزیر خزانہ ءَ بجلی ءِ بہر ءُ بانگ ءِ کمپنی آنی تہ ءَ گورننس ءِ تہ ءَ گہتری، تاوان ءِ کم کنگ ءِ کوشست، بورڈ آنی تہ ءَ نجی شوبگ ءِ نمائندگی ءُ نجکاری منصوبگ آناں دوبر فعال کنگ ءِ ذکر کت۔ آئی ءَ حکومت ءِ مقابلہ ءِ ٹیرف رژیم، توانائی ءِ شوبگ ءِ برجائی ءُ نجی شوبگ ءِ گیشیں ھوار بوھگ ءِ جزم ءِ سر ءَ پدا زور دات۔ جست ءُ پرس ءِ ساھت ءَ وزیر ءِ ھزانگ ءَ امریکہ ءِ گوما پاکستان ءِ ٹیرف ءِ گپ ءُ تران، قرضہ ءِ رجحان، بینکنگ ءِ ضوابط، سی پیک ءِ چیر دستی ءَ بنیاتی ڈھانچہ ءِ سرمایہ کاری، ءُ دراجیں مدتی دیمروئی ءُ دیمروئی ءِ نیام ءَ یکے دومی ءَ گوں سیادی ءِ ھوالگ ءَ جُست آنی سرجمیں پسو دات۔ آئی ءَ گوشت کہ پاکستان ءِ ارادہ اِنت کہ آیوکیں سال ءَ میاں اوستمانی سرمایہ کاری مارکیٹ آنی تہ ءَ پدا ھوار بہ بیت، ایشی ءِ تہ ءَ پانڈا بانڈز ءِ ممکنہ جاری کنگ ءُ بنجاہی مالیاتی مارکیٹ آنی تہ ءَ گیشی ءِ واستہ جتا جتائیں گامگیج آنی وسیلگ ءَ ھوار اِنت۔ وزیر ءِ ھزانگ ءَ گوشت کہ پاکستان ءِ آبادی ءِ منافع ءِ ھوار کان کنی، کشت ءُ کشاری، آئی ٹی، مصنوعی ذہانت، ڈیجیٹل انفراسٹرکچر، دوائی ءُ مینوفیکچرنگ ءِ تہ ءَ برجاھیں اصلاحات ملک ءَ را دراجیں مدت ءِ، نجی شعبہ ءِ سروکی ءَ دیمروئی ءِ واستہ مھکمیں بنیات ءِ پھجارینگ ءَ انت۔ آئی ءَ ڈائیلاگ ءِ گلوبل لیڈر شپ نیٹ ورک ءِ گوما برجاھیں ھوار بوھگ ءِ وش آتک کت ءُ گوشت کہ اے میاں اوستمانی شریکداری ءَ را مھکم کنگ، درملکی سرمایہ کاری ءَ را راجیگ کنگ ءُ پاکستان ءِ اصلاحات ءِ ایجنڈا ءَ را بااثریں گلوبل حلقہ آناں سر کنگ ءِ یک ھاسیں وسیلگ اِنت۔