قومی اسمبلی ءِ اسپیکر سردار ایاز صادق ءَ راجا فیصل ممتاز راٹھور ءَ را آزات جموں کشمیر ءِ مزن وزیر ءِ سوگند چست کنگ ءِ پد ءَ مبارک بات داتگ ، نیکیں واھگ ءِ درشانی

اسلام آباد۔18نومبر  (اے پی پی): راجی اسمبلی ءِ اسپیکر سردار ایاز صادق ءَ راجہ فیصل ممتاز راٹھور ءَ را آزاد جموں ءُ کشمیر ءِ مزن وزیر ءِ سوگند چست کنگ ءِ پد ءَ مبارکی دات ءُ نیکیں واھگ آنی درشان کت۔ سئے شمبے ءِ روچ ءَ وتی مبارکی کلوہ ءِ تہ ءَ آئی ءَ گوشت کہ راجہ فیصل ممتاز راٹھور ءِ گچین کاری آزات جموں کشمیر ءِ الس آنی واستہ جوانیں شگون ثابت بیت۔ آئی ءَ گوشت کہ فیصل ممتاز راٹھور یک دانائیں ءُ پکر مندیں سیاست دان اِنت، آئی ءِ سروکی ءَ ریاست آزات جموں کشمیر ءَ دیمروئی ءُ وشھالی ءِ نوکیں دور ءِ بندات بیت۔ اسپیکر قومی اسمبلی ءَ گوشت کہ نوکیں گچین بوتگیں مزن وزیر فیصل ممتاز راٹھور ءِ سروکی ءَ آزات جموں ءُ کشمیر ءَ جوانیں بدلی کیت۔ آئی ءَ آزات جموں ءُ کشمیر ءِ اُلس آنی واستہ وشیں باندات ءِ واستہ نیکیں واھگ آنی ھم درشان کت۔ اسپیکر سردار ایاز صادق ءَ دمگ ءِ اقتصادی دیمروئی ، امن ءُ ایمنی ءِ واستہ دعا کتگ ۔