سینیٹ ءِ چیئرمین سید یوسف رضا گیلانی ءَ آزات جموں ءُ کشمیر ءِ نوک گچین بوتگیں مزن وزیر راجہ فیصل ممتاز راٹھور ءَ را مزن وزیر ءِ اگدہ ءِ سر ءَ نندگ ءِ پد ءَ مبارکی

اسلام آباد۔ 17نومبر (اے پی پی): سینیٹ ءِ چیئرمین سید یوسف رضا گیلانی ءَ آزاد جموں ءُ کشمیر ءِ نوک گچین بوتگیں مزن وزیر راجہ فیصل ممتاز راٹھور ءَ را مزن وزیر ءِ اگدہ ءِ سر ءَ نندگ ءِ پد ءَ مبارکی دات ءُ آئی ءِ واستہ نیکیں واھگ آنی درشان کت۔ چیئرمین سینیٹ ءَ وتی مبارکی کلوہ ءِ تہ ءَ گوشت کہ راجہ فیصل ممتاز راٹھور ءِ گچین کاری آزات جموں ءُ کشمیر ءِ الس آنی واستہ نوکیں شگون انت کہ ایشی ءَ چہ وشھالی، دیمروئی ءُ جوانیں حکومت داری ءِ دیم ءَ یک مزنیں گامگیج ءِ ثابت بیت۔ سید یوسف رضا گیلانی ءَ گوشت کہ راجہ فیصل ممتاز راٹھور یک آرام، برداشت ءُ جزمیں سیاست دان اِنت آئی ءِ سیاسی ءُ چاگردی ھزمت سک باز ستا کرز اَنت۔ آئی ءَ دل یکیمی ءِ درشان کت کہ نوک گچین بوتگیں مزن وزیر وتی بصیرت، تجربگ ءُُ سروکی ءِ وسیلگ ءَ آزات جموں ءُُ کشمیر ءِ الس ءِ جیڈھ آنی گیواری، ادارگی مھکم کنگ ءُُ خطہ ءِ سرجمیں دیمروئی ءُُ برجائی ءِ واستہ جوانیں گامگیج چست کنت۔ چیئرمین سینیٹ ءَ گیش گوشت کہ امیت انت کہ راجا فیصل ممتاز راٹھور ءَ چہ راجی وشھالی، دیمروئی ءُ اقتصادی گہتری ءِ نوکیں دور ءِ بندات کنگ بیت تانکہ دمگ ءَ دائمی وشھالی ءُ امن ءِ دیمروئی کنگ بہ بیت۔ آئی ءَ آزات جموں ءُ کشمیر ءِ الس ءِ وشیں باندات ءِ واستہ نیکیں واھگ آنی ھم درشان کت۔