وفاقی وزیر برائے وراک ءُ سلامتی ءُ پٹ ءُ پول رانا تنویر حسین ءَ کوریا ءِ میاں اوستمانی کمکی ادارگ ءِ پٹ ءُ پولی ٹیم ءِ گوما بریفنگ سیشن ءِ سروکی ءَ کتگ

اسلام آباد- 17نومبر (اے پی پی): راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ دو شمبے ءَ پاکستان کشت ءُ کشاری ءُ پٹ ءُ پولی کونسل ءَ کوریا ءِ میاں اوستمانی کمک ادارگ ءِ پٹ ءُ پولی ٹیم ءِ گوما بریفنگ سیشن ءِ سروکی ءَ کت۔ ڈل ءَ وفاقی وزیر ءَ را ’’بذر آلو ءِ پیداوار ءُُ سپلائی ءِ مرکز‘‘ ءِ جوڑ کنگ ءِ منصوبگ ءِ تفصیلی فزیبلٹی رپورٹ پیش کتگ۔ وفاقی وزیر ءَ کوئکا ڈل ءَ را وش اتک کت ءُُ پاکستان ءِ کشت ءُُ کشاری شوبگ ءِ دیمروئی ءِ واستہ آہانی برجاھیں کمک ءِ توسیپ کت ءُُ ایشی ءَ را پاکستان ءِ آلو ءِ بیج ءِ شوبگ ءَ بروقت ءُُ انقلابی منصوبگ لیک ات۔ رانا تنویر حسین ءَ گوشت کہ پاکستان ءَ آلو ءِ کشار ءِ چیر دستی ءَ مزنیں دمگ است انت بلے سرٹیفائیڈ بیج ءِ مزنیں لوٹ ءِ پیلو کنگ ءِ واستہ ملک ءَ را درآمدات ءِ سر ءَ انحصار کنگی انت کہ اے مزنیں چیلنج انت۔ آئی ءَ اے گپ ءِ سر ءَ زور پر دات کہ ایس پی پی ایس سی منصوبگ پاکستان ءَ را مزنیں کوالٹی ءِ بیج ءِ بومی پیداوار ءِ نیمگ ءَ رھادگ کنت ءُ درآمد ءِ انحصار ءَ را مزنیں کساسے ءَ کم کنت۔ وفاقی وزیر ءَ اے گپ ءِ درشانی کت کہ ایروپونکس ءُُ ٹشو کلچر ٹیکنالوجی ءِ تہ ءَ کوریا ءِ گلوبل مہارت پاکستان ءِ واستہ مزنیں موہ اِنت ایشی ءِ وسیلگ ءَ بیج ءِ نظام ءَ را نوکیں لیکہ آنی سر ءَ دیمروئی دیگ بوت کنت، پیداوار ءِ تہ ءَ کم چہ کم 20درسد گیشی ممکن بیت ءُُ وائرس فری سرٹیفائیڈ بیج یک لکھ ءَ چہ گیش کشت ءُ کشاری ءِ واستہ آسانی ءَ دست کپ ایت۔ آئی ءَ دل یکیمی دات کہ حکومت منصوبگ ءِ زوتیں منظوری ءُُ جوانیں رنگ ءَ عمل درآمد ءِ واستہ ھرچ وڑیں کمک ءَ کنت پرچا کہ اے منصوبگ راجی فوڈ سیکیورٹی ءُُ زرعی جدید کنگ ءَ گوں براہ راست سیادی داریت۔ ڈل ءِ نقطہ نظر ءِ سرا گیش ءُُ گیوار کنان ءَ ڈائریکٹر کوئکا اے جے ہو یون ءَ پاکستان ءَ آلو ءِ بیج ءِ سرا پارک ءِ نیمگ ءَ کتگیں پٹ ءُُ پول ءِ توسیپ کت۔ آئی ءَ گوشت کہ کوریا پاکستان ءِ گوما وتی کشت ءُُ کشاری شریکداری ءَ را ارزشت دنت ءُُ اے منصوبگ دوئیں ملک آنی نیام ءَ دراجیں مدت ءِ کشت ءُُ کشاری کمک ءِ واستہ یک مثالی ماڈل ءِ ثابت بیت۔ جے ہو یون ءَ گوشت کہ کوریا ءَ ایروپونکس، نوکیں کولڈ چین سسٹم ءُُ ہائی اینڈ لیبارٹری انفراسٹرکچر ءِ کمک ءَ آلو ءِ بیج ءِ پیداوار ءِ تہ ءَ جھان ءِ درجہ ءِ معیار ءِ ھاترا جھد کتگ ءُُ کوئکا اے مہارت ءَ را مزنیں کچے ءَ پاکستان ءَ را دیم دیگ ءِ واستہ جزم اِنت۔ آئی ءَ گوشت کہ اے منصوبگ ءَ چہ نا ایوک ءَ بنجاہی بیج ءِ پیداوار ءَ را مھکم کنگ بیت بلکینگ ءَ نوکیں تربیتی پروگرام، ای آر پی سسٹم، ٹریس ایبلٹی ءُُ پوسٹ ہارویسٹ مینجمنٹ ءِ وسیلگ ءَ ادارگی گنجائش ءَ را ھم گہتر کنگ بیت۔ آئی ءَ پاکستان ءَ نوکیں، پائیدار ءُُ مھکمیں بیج آلو ءِ پیداوار ءِ نظام ءِ جوڑ کنگ ءِ واستہ کوئکا ءِ سرجمیں کمک ءِ دل یکیمی دات۔ وفاقی وزیر ءَ ڈل ءِ وژن ءَ را ساڑات ءُُ گوشت کہ پاکستان اے رنگیں میاں اوستمانی کمک ءَ را وش اتک کنت کہ ایشی ءَ چہ کشت ءُُ کشاری ءَ را براہ راست ٹیکنالوجی، زانت ءُُ نوآبادیاتی ءَ سر بہ بیت۔ آئی ءَ گوشت کہ حکومت سائنس ءِ بنیات ءَ کشت ءُُ کشاری دیمروئی ءَ را سک باز ارزشت دنت ءُُ ایس پی پی ایس سی منصوبگ وائرس ءَ چہ پاکیں بیج ءِ پیداوار، نوکیں لیبارٹری، اسکرین ہاؤس، ایروپونکس یونٹ ءُ کولڈ اسٹوریج انفراسٹرکچر ءِ مثالی ماڈل ثابت بیت۔ رانا تنویر حسین ءَ گوشت کہ اے منصوبگ ءِ سوبمندی ءَ چہ نہ ایوک ءَ کشت ءُُ کشاری ءِ ھرچ ءُُ درچ کم بیت بلکینگ ءَ دیہی آمدنی ءَ را ھم گیش کنگ بیت ءُُ راجی وردن ءُُ وردن ءِ سیکیورٹی ھم مھکم بیت۔ گند ءُ نند اے دل یکیمی ءِ گوما آسر بوت کہ آیوکیں وھد ءَ پاکستان ءُ کوریا ءِ نیام ءَ کشت ءُ کشاری کمک ءَ را گیش مھکم کنگ بیت ءُ ایشی ءِ جوانیں آسر سرجمیں ملک ءَ گندگ بنت۔