گوزوکیں مالی سال ءِ تہ ءَ پاکستان ءِ سرکاری قرضہ 1.371 کھرب کلدار کم بوتگ خرم شہزاد

اسلام آباد۔ 17 نومبر (اے پی پی): وزیر خزانہ ءِ مشیر خرم شہزاد ءَ گوشت کہ رواں مالی سال ءِ تہ ءَ پاکستان ءِ سرکاری وام 1371کرب کلدار کمی بوتگ۔ جمعہ ءِ روچ ءَ سوشل نیٹ ورکنگ ویب سائٹ ایکس ءِ سر ءَ یک پیغام ءِ تہ ءَ آئی ءَ گوشت کہ جون 2025ءِ گڈ ءَ حکومت ءِ سرکاری قرضہ 80.518کرب کلدار ریکارڈ کنگ بوتگ کہ ستمبر ءِ گڈ ءَ تاں 79.14کرب کلدار ءَ کم بوتگ۔ اے وھد ءِ تہ ءَ سرکاری قرضہ ءِ تہ ءَ 1371کرب کلدار کمی بوتگ۔ آئی ءَ گوشت کہ گوستگیں 69ماھ آنی تہ ءَ اولی رند ءَ (دسمبر 2019ءَ چہ تاں انوگ ءَ) کجام ھم سہ ماہی ءَ قرضہ آنی کساس ءَ انچیں مزنیں کمی گندگ بوتگ۔ آئی ءَ گوشت کہ اے پیشرفت جوانیں مالیاتی نظم و ضبط، سرپلس فنڈز ءِ اسٹریٹجک کارمردی ءُ گرانیں وام آنی زوتیں وھد ءَ پچ گرگ ءَ چہ ممکن بوتگ، ایشی ءَ چہ آیوکیں وھد ءَ وام ءِ لوٹ آنی تہ ءَ کمی، ری فنانسنگ ءُ رول اوور ءِ تہ ءَ کمی ءُ میاں اوستمانی مالیاتی استحکام ءَ را مھکم کنگ ءَ کمک رسیت۔ آئی ءَ گوشت کہ قرضہ ءِ کمی ءَ چہ سرمایہ کار آنی اعتماد گیش بیت، ءُ وھد ءِ گوزگ ءَ گوں قرضہ ءِ پچ گرگ ءَ چہ دیمروئی ءِ واستہ وسیلگ آنی پجارینگ، چاگردی رکھینگ ءُ دیمروئی ءِ واستہ اولیت آنی ٹھینگ ءَ کمک رسیت۔ آئی ءَ گوشت کہ وام آنی کمی ءَ چہ مالیاتی نمدی ئِ برجائی ءُ ذمہ دار ئَ را دل یکیمی کنگ بیت۔