مزن وزیر ءَ پاکستان ریلوے ءَ را نوک کنگ ءِ جزم ، نیو شالیمار ایکسپریس ءُ کراچی کینٹ  اسٹیشن ءِ اپ گریڈ کتگیں آسراتی آنی بنگیج

کراچی۔17نومبر  (اے پی پی): مزن وزیر محمد شہباز شریف ءَ گوشت کہ پاکستان ریلوے ءِ ڈیجیٹلائزیشن، نوآبادیاتی ءُ نوکیں آسراتی آنی پجاری ملکی معیشت ءَ را مھکم کنگ ءَ ھاسیں کرد پیلو کنت۔ وفاقی حکومت سندھ حکومت ءِ گوما کمک ءَ کراچی سرکلر ریلوے ءَ را نوکیں لیکہ آنی سر ءَ دیمروئی دنت۔ کلیں ریلوے اسٹیشن استان ءُ سرجمیں ملک ءَ اپ گریڈ کنگ بنت۔ مزن وزیر ءَ اے ھیالانی درشانی دو شمبے ءِ روچ ءَ نیو شالیمار ایکسپریس ءُ کراچی کینٹ ریلوے اسٹیشن ءِ اپ گریڈ کتگیں ویٹنگ روم آنی بنگیج ءِ مراگش ءَ گوں تران کنان ءَ کت ءُ سی آئی پی ءِ لانچ ءِ مراگش ءَ گشتانک دیان ءَ کت۔ اے موہ ءِ سر ءَ سندھ ءِ سر وزیر سید مراد علی شاہ، ریلوے ءِ وفاقی وزیر محمد حنیف عباسی، وفاقی وزیر ءِ اھوالکاری عطا اللہ تارڑ،درملکی سفارتکار، پارلیمنٹ ءِ باسک ءُ وفاقی ءُ صوبائی کارندہ ھم ساڑی اتنت۔ مزن وزیر ءَ گوشت کہ آئی ءَ وزارت ءِ کار ءِ سر ءَ سر بوھگ ءَ گوں ریلوے ءِ وفاقی وزیر حنیف عباسی ءَ ریلوے ءِ نظام ءَ را نوک کنگ ءِ واستہ بے مٹیں کار کتگ۔ لاہور ریلوے اسٹیشن ءِ بحال کنگ ءَ پد کراچی کانٹ اسٹیشن ہم نوکیں آسراتی آں گوں پلگار کنگ بوتگ۔ آئی ءَ گوشت کہ صوبہ ءِ توامیں ریلوے اسٹیشن آناں سندھ حکومت ءِ ھمکوپگی ءَ نوک کنگ بہ بیت تانکہ مسافر آناں گہتریں آسراتی پجاری کنگ بہ بیت۔ مزن وزیر ءَ گوشت کہ سندھ ءُ پنجاب ءِ وڑ ءَ خیبر پختونخوا ءُ بلوچستان ءِ حکومت ءِ گوما ھم ھمے وڑیں رابطہ جوڑ کنگ بیت تانکہ پاکستان ریلوے ءَ را دمگ ءِ جوانیں سفری نظام جوڑ کنگ بہ بیت۔ آئی ءَ گوشت کہ ریلوے ءِ بار ءِ نظام ءَ را ھم برجم دارگ بوھگ ءَ انت ءُ تھر کوئلہ ءِ ٹرانسپورٹ ءِ واستہ وفاقی ءُ سندھ حکومت 50درسد بھر زوری ءِ گوما یکجائی منصوبگ ءِ سر ءَ چلائینگ ءَ انت۔ آئی ءَ دل یکیمی دات کہ منصوبگ آنی ایر کتگیں ٹارگٹ آنی سرجمی ءِ واستہ درستیں المی ئیں فنڈز یلہ کنگ بنت۔ مزن وزیر ءَ گوشت کہ کراچی ءُ لاہور ءِ نیام ءَ روگ ءَ شلیمار ایکسپریس ءَ سرجمی ءَ نوکیں ءُ نوکیں ریل ءِ تہ ءَ بدل کنگ بوتگ۔ آئی ءَ کراچی ءَ را اقتصادی مرکز ءُ ”پاکستان ءِ دل“ لیک اِتگ۔ آئی ءَ یک رندے پدا گوشت کہ نوکیں لائن آنی سر ءَ ریلوے ءِ نظام ءَ را دیمروئی دیگ ءَ ملک ءِ معیشت ءَ را مھکم کنگ ءِ واستہ پنجاب، سندھ، خیبر پختونخوا ءُ بلوچستان ءِ صوبائی حکومت آنی گوما سرجمیں کمک برجاہ دارگ بیت۔ مزن وزیر ءَ حنیف عباسی ءِ سروکی ءِ توسیپ کت ءُ آئی ءَ را ’’مرچیگیں مراگش ءِ ہیرو‘‘ لیک ات ءُ آئی ءَ را پرانے ریلوے نظام ءِ تہا بدلی آرگ ءِ سرا مبارک بات دات۔ آئی ءَ گوشت کہ وفاقی حکومت میاں اوستمانی ایشیا ءَ ریلوے نیٹ ورک ءَ را گیش کنگ ءِ واستہ توامیں صوبگ آنی گوما کار کنت، ھاسیں رنگ ءَ ازبکستان اوگانستان پاکستان ریلوے لائن منصوبگ ءِ ذکر کت۔ آئی ءَ اسلام آباد تہران استنبول ریلوے روٹ ءِ زندگ کنگ ءِ سر ءَ ھم زور پر دات کہ ایشی ءَ چہ معیشت نوکیں کوھنڈگ آنی تہ ءَ سر بیت۔ مزن وزیر ءَ گوشت کہ حنیف عباسی ایشیائی ڈویلپمنٹ بینک ءَ گوں 2 ارب ڈالر ءِ وام ءِ واستہ گپ ءُ تران ءَ انت تانکہ کراچی ءَ چہ روہری ءَ تاں ریلوے لائن ءَ را گیش اپ گریڈ کنگ ءُ ریکو دیک منصوبگ ءَ گوں ہمگرنچ کنگ بہ بیت۔ مزن وزیر ءَ سندھ ءِ سر وزیر مراد علی شاہ ءِ واھشت ءِ سر ءَ کے سی آر ءَ را سی پیک ءِ تہ ءَ ھوار کنگ ءِ واستہ سرجمی ءَ کمک ءِ دل یکیمی دات۔ آئی ءَ گوشت کہ کے سی آر کراچی ءِ الس آنی واستہ ناگزیریں منصوبگ اِنت ءُ ھمک گلوبل فورم ءَ ایشی ءَ را برجم دارگ بوتگ۔ آئی ءَ امیت سہرا کت کہ اے منصوبگ زوت ردوم زوریت۔ مزن وزیر ءَ گوشت کہ 54 ریلوے اسٹیشن آناں پیسر ءَ چہ نوک کنگ بوتگ ءُ وھدے کہ توامیں کسان ءُ مزنیں اسٹیشن اپ گریڈ کنگ بنت گڈا آ ریلوے ءِ وزیر ءِ واستہ صدارتی ایوارڈ ءِ سفارش کنت۔ مزن وزیر ءَ گوشت کہ حکومتی پالیشی ءِ رد ءَ 14 ریل آؤٹ سورس کنگ بوھگ ءَ انت، وھدیکہ ریلوے ہسپتال ءُ اسکول ھم پرائیویٹ مینجمنٹ ءِ دست ءَ دیگ بوھگ ءَ انت، البت ریلوے کارندہ آنی ھک آنی سرجمیں رکھینگ ءَ را دل یکیمی کنگ بیت۔ ایم ایل ون منصوبگ ءِ سر ءَ ھم پیشرفت بوھگ ءَ اِنت۔ ریلوے ءِ وفاقی وزیر حنیف عباسی ءَ گوشت کہ مزن وزیر ءِ رہشونی ءِ چیر دستی ءَ ایوک ءَ 8ماہ ءِ تہ ءَ ھاسیں گہتری گندگ بوتگ ایشی ءِ تہ ءَ کراچی کینٹ اسٹیشن ءِ نوکیں رنگ ءَ جوڑ کنگ ءُ شالیمار ایکسپریس ءِ نوک کنگ ھوار اِنت۔ آئی ءَ گوشت کہ روہری اسٹیشن ءِ اپ گریڈ کنگ ءِ واستہ یک ارب کلدار ھرچ کنگ بوھگ ءَ انت، وھدیکہ کراچی سٹی اسٹیشن ءِ سر ءَ ھم کار بوھگ ءَ انت۔ سندھ ءِ سر وزیر سید مراد علی شاہ ءَ مزن وزیر ءَ را کراچی ءَ سر بوھگ ءِ پد ءَ وش آتک کت ءُ صوبائی حکومت ءِ نیمگ ءَ ھمک رنگ ءِ کمک ءِ دل یکیمی دات۔ ایشی ءَ چہ پیسر مزن وزیر ءَ کراچی کینٹ اسٹیشن ءَ نیو شالیمار ایکسپریس ءِ بنگیج کت ءُ آسراتی آنی جدید کنگ ءُ ڈیجیٹلائزیشن ءِ کار آنی سر ءَ چار ءُ تپاسی کت۔ آئی ءَ اپ گریڈ بوتگیں ویٹنگ ایریا، سی آئی پی لاؤنج، نوکیں ڈائننگ ہال ءُ کمپیوٹرائزڈ ٹکٹنگ سسٹم ءِ ھم چار ءُ تپاسی کتگ۔