وفاقی وزیر داخلہ محسن نقوی ءَ چینی سفیر جیان زیڈونگ  ءَ گوں گند ءُ نند کتگ، پاک چین ءُ دو نیمگی سیادی ءُ وت مہ وتی مفاد ءِ جیڈھ آنی سر ءَ گپ ءُ تران

اسلام آباد۔17نومبر  (اے پی پی): وفاقی وزیر داخلہ محسن نقوی ءَ چین ءِ جیان زیڈونگ  ءَ گوں گند ءُ نند کتگ، ایشی ءِ ساھت ءَ آھاں پاک چین ءُ چین ءِ دو نیمگی سیادی ءُ وت مہ وتی مفاد ءِ جیڈھ آنی سر ءَ گپ ءُ تران کتگ۔ ادا جاڑی بوتگیں پریس ریلیز ءِ رد ءَ چینی سفیر ءَ اسلام آباد ءَ وت کُش اُرش ءِ مذمت کتگ ۔ چینی سفیر ءَ جانی تاوان ءِ سر ءَ دلپدردی ءِ درشانی کتگ ءُ گوشتگ کہ چینی درئی کارانی وزارت ءِ جارکش ءَ ھم اے وئیل ءِ مذمت کتگ۔ گند ءُ نند ءَ انسداد ناشرکاری ءُ سیکورٹی کمک ءَ را گیش مھکم کنگ بیت۔ وزیر ءِ تہی کار ءَ گوشت کہ پاک چین ءِ سیادی وت مہ وتی ءِ سر ءَ بھروسہ ءُ شرپ ءِ سر ءَ انت۔ چین پاکستان ءِ معتبریں دوست اِنت آئی ءَ ہر مشکلیں وھد ءَ پاکستان ءِ کمک کتگ ۔ محسن نقوی ءَ گوشت کہ پاکستان ھما ملک اِنت کہ ناشرکاری ءَ چہ گیش آماچ اِنت۔