وزارت اطلاعات و نشریات ءِ "اُڑان پاکستان فیملی فیسٹیول‘‘ ءِ برجم دارگ ءَ سوبمندیں رنگے ءَ برجم دارگ بوتگ

اسلام آباد۔17نومبر  (اے پی پی): وفاقی وزارت اطلاعات ءُ نشریات ءَ گوستگیں روچ ءَ اسلام آباد ءِ ایف 9 پارک ءَ ’’اُران پاکستان فیملی فیسٹیول‘‘ ءِ برجم دارگ ءِ سوبمندیں رنگ ءَ برجم داشت۔ میلہ ءِ سوبمندی مزن وزیر محمد شہباز شریف ءِ ھاسیں رہشونی ءُ حکومت ءِ مہلوک دوستیں پالیشی آنی سوب بوتگ۔ انصاف ءِ جنگ ءِ تہا پاکستان ءِ دراجیں سوبمندی ءَ سرجمیں راج ءِ حوصلہ ودائینتگ ءُ ہمے جذبہ ءَ میلہ ءِ ماحول گیش دلکش کتگ۔ فدرال داخلہ ءِ وزیر محسن نقوی ءَ میلہ ءِ سوبمندیں برجم دارگ ءِ سرجمیں حمایت کتگ وھدے کہ وزارت داخلہ ءَ فول پروف سیکورٹی بندوبست کتگ۔ ایشی ءَ ابید ضلعی انتظامیہ ءُ دگہ ادارہاں ہم میلہ ءِ برجم دارگ ءِ حمایت کتگ ات کہ ایشی ءِ سبب ءَ میلہ امن ءُ مطمئنیں وڑے ءَ سرجم بوتگ ات۔ زالبول، زھگ، ورنا ءُ پیریں مردماں مزنیں کساسے ءَ میلہ ءِ تہ ءَ بھر زرتگ۔ راولپنڈی ءُ اسلام آباد ءِ دوئیں شہر آنی شہری آں وشیں ءُ امن ءِ چاگرد ءَ چہ دلگوشی ءِ وشیں تام چست کتگ۔ میلہ ءَ چہ پیسر وفاقی وزیر اطلاعات ءُ نشریات عطا اللہ تارڑ ءَ ایف 9 پارک ءِ تر ءُ تاب کتگ ءُ جتا جتائیں بندوبست آنی سر ءَ چار ءُ تپاسی کتگ۔ اے موہ ءِ سر ءَ آئی ءَ تفریحی کار آنی واستہ جوڑ کتگیں اسٹال، اسٹیج ایریا ءُ فیملی زون آنی چار ءُ تپاسی کت ءُ سیادی داروکیں واکدار آناں المی ئیں ہدایت دات۔ اے موہ ءِ سر ءَ گشتانک دیان ءَ وفاقی وزیر ءَ گوشت کہ الس ءِ واستہ جان سلامتیں تفریحی موہ پیداک کنگ حکومت ءِ اولی ترجی آنی تہ ءَ ھوار اِنت ءُ اے رنگیں پروگرام چاگردی یکوئی ءَ را گیش کن اَنت۔ زانگ بہ بیت کہ ناشرکاری ءِ باوجود الس ءِ مزنیں بھر زوری اے گپ ءِ ثبوت انت کہ شہری ملک ءَ جوانیں چست ءُ ایر ءُ نارمل زند ءِ بحال کنگ ءِ ھاترا جزم انت۔ میلہ ءِ تہا ملک ءِ نامداریں گشندہ عاطف اسلم، فرحان سعید، نمرہ مہرا، جابر عباس ءُ زونیب زاہد ءَ وتی پرفارمنس داتگ ات کہ ایشی ءَ را بہر زوروکاں سک باز ستا کرتگ ات۔ اسٹیج ءِ میزبانی شفاط علی ءُ صوفیہ احمد ءَ کتگ ات کہ آہاں وتی جوانیں پرفارمنس ءَ گوں پروگرام گیشتر دلکش کتگ ات۔ ’’اُران پاکستان‘‘ ءِ ھاندان ءِ میلہ ءَ نہ ایوک ءَ اسلام آباد ءِ شہری آناں جوانیں تامرانی آسراتی داتگ بلکیں اے کلوہ ھم داتگ کہ الس چہ جاوراں ترسگ ءَ نہ اَنت بلکیں راجی تک ءَ جوانیں کار آناں برجاہ دارگ ءِ واھشت مند اَنت۔