مزن وزیر محمد شہباز شریف ءَ کراچی ءَ عبدالقادر پٹیل ءِ لوگ ءَ تر ءُ تاب کتگ ، آئی ءَ را وتی زھگ ءِ آروس ءِ مبارک بات داتگ

کراچی ۔17نومبر  (اے پی پی): مزن وزیر محمد شہباز شریف ءَ کراچی ءَ باسک راجی اسمبلی ءُ پیپلز پارٹی ءِ رہشون عبدالقادر پٹیل ءِ گس ءِ تر ءُ تاب کتگ ءُ اودا آئی ءَ عبدالقادر پٹیل ءَ را وتی زھگ ءِ آروس ءِ مبارک بات داتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ وفاقی وزیر ءِ اطلاعات ءُ شنگکاری عطا اللہ تارڑ، ریلوے ءِ وزیر حنیف عباسی، ھاسیں کمکار طلحہ برکی ءُ بنجاھی وزیر سندھ سید مراد علی شاہ ھم ھوار بوتگ اَنت۔