نائب مزن وزیر ءُ دری کارانی وزیر سینیٹر اسحاق ڈار ایس سی او ءِ کونسل آف ہیڈز آف ہیڈز آف گورنمنٹ ءِ دیوان ءَ پاکستانی ڈل ءِ سروکی

اسلام آباد۔17نومبر  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار شنگھائی کمکی گل ءِ کونسل آف ہیڈز آف گورنمنٹ ءِ دیوان ءَ پاکستان ءِ ڈل ءِ سروکی ءَ کنت کہ روس ءِ شھر ماسکو ءَ 17-18نومبر 2025ءَ برجم دارگ بیت۔ دو شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ اے گند ءُ نند ءَ بیلاروس، چین، قازقستان، کرغزستان، روس، تاجکستان ءُ ازبکستان ءِ حکومت ءِ سروک، ایران ءِ نائب صدر ءُ پاکستان ءُ ہندوستان ءِ درئی کارانی وزیر آنی بھر زوری بیت۔ ایس سی او ءِ باسکیں ملک آنی ھوار منگولیا، بحرین، مصر، قطر، کویت ءُ ترکمانستان ءِ حکومت ءِ سروک ءُ ھمے رنگ ءَ میاں اوستمانی ءُ دمگی گلانی سروک ھوار دولت مشترکہ ءِ آجوئیں ملک (CIS)، یوریشیائی اقتصادی یونین (EAEU)، اجتماعی سلامتی ءِ معاہدہ ءِ جمہوری تنظیم ءِ سروک ( دیوان ءِ سرا ات۔ نائب مزن وزیر وتی گشتانک ءِ تہ ھاسیں دمگی ءُ جھان ءِ جیڈھ آنی سر ءَ پاکستان ءِ موقف پیش کنت ءُ دمگ ءِ آسراتی ءِ واستہ ایس سی او ءَ را گیش مھکم کنگ ءِ راہ آناں پدر کنت۔ حکومت ءِ سروک آنی کونسل ایس سی او ءِ دومی مزنیں پیسلہ کنوکیں ادارگ اِنت کہ ایشی ءِ تہ ءَ معیشت، مالیات، تجارت، ھمگرنچی، یکے دومی ءِ تجارت، چاگردی ءُ اقتصادی کمک ءُ تنظیم ءِ بجٹ ءِ ھوالگ ءَ جیڈھ آنی سر ءَ رہشونی کنگ بیت۔ حکومت ءِ سروک آنی کونسل ءِ دیوان ءَ یکجائی اعلامیہ، بیان ءُ ھاسیں پیسلہ آنی منظوری دیگ بیت۔ نائب مزن وزیر ءُ دری کارانی وزیر ءَ گند ءُ نند ءِ ساھت ءَ ایس سی او ءِ ایندگر ملک آنی سروکی ءَ گوں دو نیمگی گند ءُ نند ھم کنت۔