تین پہ تینی شرف، افہام و تفہیم و اختلاف آتے امنا کننگ اسہ پرامن و شمولیتی راج اسے نا بنداوی گرج ءِ، سینیٹر اعظم نذیر تارڑ

اسلام آباد۔ 17 نومبر (اے پی پی) تحمل و سگ انا جہانی دےانا وخت آ بنجائی وزیر انسانی حق و کانود و انصاف سینیٹر اعظم نذیر تارڑ تینا خصوصی کلہو اٹی پارینے کہ تین پہ تینی شرف، افہام و تفہیم و اختلاف آتے امنا کننگ اسہ پرامن و شمولیتی راج اسے نا بنداوی گرج ءِ۔ بنجائی وزیرپارے کہ تحمل و سگ بیرہ اخلاقی اصول آخا بلکن امن ، انصاف وپائیدار شونداری نا بنداو ءِ۔ اوپارے کہ پاکستان نا آئین و قومی وژن غٹ شاری تا بریبر حق و شرف نا ضمانت ایتک، وخت اس کہ اسلامی تعلیمات و قائد اعظم محمد علی جناح نا راہشونی ننے یات ترفک کہ نن غٹ اسہ ریاست اسے نا بریبر شاری اُن۔ سینیٹر اعظم نذیر تارڑ پارے کہ اختلاف آتے امنا کننگ، اسہ ایلو آن ہیل کننگ و نزور تپہ غاتا کمک ءِ کننگ راجی ہم گرنچی نا کلیت ءِ۔ اوپارے کہ وزارت انسانی حق راج انا پدسلوک و مخدوش تپہ غاتا حق انا رکھ و انصاف، شمولیت و ہم گرنچی نا مون آ دننگ کن سنبرینگوک ءِ۔ اوشاری، ادارہ، میڈیا و مذہبی راہشون تیان خواست کرے کہ او تین پہ تینی شرف و سگ ءِ مون آ دیر تانکہ اسہ ہندن ءُ پاکستان اس ٹہیفنگ مرے ہراڑے تنوع ءِ شرف ملے، سیوت سوگو مرے و ہربندغ باوقار زند اس تیر کننگ کیر۔