بروک آتیکن نیک جوزہ غاک ءُ، وزیراعظم آزاد کشمیر چوہدری انوارالحق

اسلام آباد۔ 17 نومبر (اے پی پی) وزیراعظم آزاد کشمیر چوہدری انوارالحق پارینے کہ اِراسال شش تُو آن زیات الس نا خذمت ءِ کننگ آ خوش اُٹ و بروک آتا سرسہبی کن دعاکننگ اُٹ۔ دوشنبے نادے آ اسلام آباد آن مظفر آباد آ روانہ مننگ آن مست میڈیا تون خصوصی گپ وتران کرسا وزیراعظم چوہدری انوارالحق پارے کہ اینو نا دے انا بابت اللہ نا شکر ءِ ادا کننگ خواوہ و پوسکن آ بروک آتیکن ہم نیک جوزہ غاک ءُ کہ اللہ اوفتے سرسہب کے۔ اللہ تعالیٰ کم و ود اِراسال شش تُو آن زیات نا وخت تس، خوشی دادے کہ ہِننگ نا ارادہ ٹی شش تُو مست تینٹ کریسٹ، اینو آجوئی نادے ءِ تو اوڑآ انت اکن اودے خوشی اٹ اڈتفر۔ اوپارے کہ 6 تُو اکن وزارت عظمیٰ نا منصب نا دعاکریسٹ تانکہ الس نا خذمت ءِ کننگ کیو۔ اینو 2 سال آن پد اقتدار ءِ ہلنگ اٹی اُٹ، داڑآ خوشی ءِ۔