مچ آملک اٹی سورک، روبیلا و پولیو آن بچفنگ نا قومی ویکسی نیشن مہم نا بناء

اسلام آباد۔ 17 نومبر (اے پی پی) مچ آملک اٹی سورک، روبیلا و پولیو آن بچفنگ نا قومی ویکسی نیشن مہم نا دوشنبے آن بناءِ کننگانے ۔ قومی ایمرجنسی آپریشن سینٹر (نیشنل ای او سی) نا کنڈآن جاری سرجم حوال آتا رداٹ مہم 17 آن 29 نومبر مچ آملک اٹی برجاسلک، مہم اٹی 3 کروڑ 54 لکھ چناتے سورک و روبیلا آن بچفنگ نا ویکسین تننگک۔ مچ آ ملک انا 90 ہائی رسک ضلع غاتیٹی داہفتہ 2 کروڑ 33 لکھ چناتے پولیو نا پڑی کنفنگک۔ 6 تُو آن 5 سال اسکان نا غٹ چناتے سورک و روبیلا غان بچفنگ نا ویکسی نیشن تننگک۔ ویکسین سرکاری جان جوڑی نا ہند، اسکول، مدرسہ و عارضی ویکسی نیشن ہند آتیا فراوان کننگک وخت اس کہ سورک۔ روبیلا نا قومی مہم اٹی پنجاب اٹی  کم و ود 68 لکھ چناتے پولیو نا پُڑی کنفنگک۔ نیشنل ای اوسی نا کمامدارآک پاریر کہ مہم اٹی بلوچستان اٹی 22 لکھ 46 ہزار چناتے پولیو نا پڑی کنفنگک۔ سندھ اٹی 84 لکھ آن زیات چناتے پولیو نا پڑی کنفنگک۔ خیبرپختونخوا ٹی 52 لکھ 46 ہزار چناتے پولیو نا پڑی کنفنگک وخت اس کہ مہم اٹی گلگت بلتستان اٹی 1 لکھ 36 ہزار چناتے پولیو نا پڑی کنفنگک۔ اسلام آباد اٹی 4 لکھ 61 ہزار چناتے پولیو نا پُڑی کنفنگک وخت اس کہ پنجاب اٹی 1 کروڑ 73 لکھ آن زیات چناتے سورک و روبیلا غان بچفنگ نا ویکسین تننگک، سندھ اٹی 82 لکھ 63 ہزار آن زیات چناتے سورک و روبیلا غان بچفنگ نا ویکسین تننگک، خیبرپختونخوا ٹی 59 لکھ 88 ہزار آن زیات چناتے سورک و روبیلا غان بچفنگ نا ویکسین تننگک، بلوچستان اٹی 27 لکھ 30 ہزار آن زیات چناتے سورک و روبیلا غان بچفنگ نا ویکسین تننگک، آزاد جموں وکشمیر اٹی 6 لکھ 24 ہزار آن زیات چناتے سورک و روبیلا غان بچفنگ نا ویکسین تننگک، گلگت بلتستان اٹی 2 لکھ 46 ہزار آن زیات چناتے سورک و روبیلا غان بچفنگ نا ویکسین تننگک، اسلام آباد اٹی 2 لکھ 25 ہزار آن زیات چناتے سورک و روبیلا غان بچفنگ نا ویکسین تننگک۔ اولمہ و باوہ غاتیان خواست کرے کہ تینا چناتا ویکسی نیشن ءِ پک کیر، اوفتے سورک، روبیلا و پولیو آن بچفر۔