اسلام آباد۔ 17 نومبر (اے پی پی) بنجائی وزیر داخلہ محسن نقوی تون چین نا سفیر جیان زیڈونگ داڑے اوڑدہی کرے ہراٹی پاک چین ہڑتوم آ کنڈآتا تعلقداری و تین پہ تینی است خواہی نا امور آ گپ وتران کننگا۔ داڑے جاری بیان نا رداٹ چین نا سفیر اسلام آباد اٹی خودکش جلہو نا مذمت ءِ کرے۔ چینی سفیر سانحہ ٹی نہادی جون تا زیان آ ہڑزخواہی نا درشانی …
بنجائی وزیر داخلہ محسن نقوی تون چینی سفیر جیان زیڈونگ نا اوڑدہی
گیشتریں ھال
اسلام آباد۔ 17 نومبر (اے پی پی) بنجائی وزیر داخلہ محسن نقوی تون چین نا سفیر جیان زیڈونگ داڑے اوڑدہی کرے ہراٹی پاک چین ہڑتوم آ کنڈآتا تعلقداری و تین پہ تینی است خواہی نا امور آ گپ وتران کننگا۔ داڑے جاری بیان نا رداٹ چین نا سفیر اسلام آباد اٹی خودکش جلہو نا مذمت ءِ کرے۔ چینی سفیر سانحہ ٹی نہادی جون تا زیان آ ہڑزخواہی نا درشانی ءِ کرساپارے کہ چین نا وزارت خارجہ نا ترجمان ہم داواقعہ نا مذمت ءِ کرینے۔ اوڑدہی ٹی انسداد دہشت گردی و سیکورٹی کمکاری ءِ پین سوگو کننگ آ امنا کننگا۔ وزیرداخلہ پارے کہ پاک چین تعلقداری تین پہ تینی پت و شرف آ تالان ءِ۔ چین پاکستان نا ہمو بااعتماد سنگت ءِ ہرا ہرمشکل وخت اٹی ساتھ تسنے۔ محسن نقوی پارے کہ پاکستان دہشت گردی آن غٹ آن زیات زہمی ملک ءِ۔
