نائب وزیراعظم و وزیرخارجہ سینیٹر اسحاق ڈار ایس سی او کونسل آف ہیڈز آف گورنمنٹ دیوان اٹی پاکستانی ڈل انا کماشی ءِ کیک

اسلام آباد۔ 17نومبر (اے پی پی) نائب وزیراعظم و وزیرخارجہ سینیٹر محمد اسحاق ڈار روس انا وزیراعظم میخائل میشوستن نا سلہ غا 17آن 18 نومبر 2025آ ماسکو، روس اٹی اڈ ہلوک شنگھائی کمکار تنظیم (ایس سی او) نا کونسل آف ہیڈز آف گورنمنٹ (CHG)نا دیوان اٹی پاکستان نا ڈل انا کماشی ءِ کیک۔ دوشنبے نادے آ دفترخارجہ آن جاری بیان نا رداٹ دادیوان اٹی بیلاروس، چین، قازقستان ، کرغزستان ، روس، تاجکستان و ازبکستان نا حکومت نا سروک آک، ایران نا نائب صدر، و پاکستان و بھارت نا وزیرخارجہ غاک شریک مریرہ۔ ایس سی او نا باسک ملک آتیان بیدس، منگولیا، بحرین، مصر، قطر، کویت و ترکمانستان نا حکومت نا سروک آک، نیزدولت مشترکہ آزاد ریاست آک(CIS)، یوریشین اکنامک یونین (EAEU)، کلیکٹیوسیکورٹی ٹریٹی آرگنائزیشن (CSTO) و ڈیموکریٹک سوشلسٹس آف امریکہ (DSA)تون اوار جہانی و علاقائی تنظیم تا سروک آک ہم دیوان اٹی بشخ ہلیرہ۔ نائب وزیراعظم تینا تران اٹی اہم علاقائی  وجہانی امور آ پاکستان نا موقف ءِ پیش کیک و ایس سی او ڈیہہ انا فائدہ کن تنظیمءِ پین سوگو کننگ نا وڑوڈول آتے مون آتخک۔ کونسل آف ہیڈز آف گورنمنٹ، ایس سی او نا ارٹ میکو بھلا فیصلہ ساز ادارہ ءِ ہرا اقتصادیات، مالیات، واپار، رابطہ سازی، تین پہ تینی واپار، راجی و اقتصادی کمکاری و تنظیم نا بجٹ نا بابت باندات آتیٹی راہشونی فراوان کیک۔ کونسل آف ہیڈز آف گورنمنٹ دیوان اٹی اسیجائی اعلامیہ، بیانات و اہم فیصلہ غاتا منظوری ءِ تننگک۔ نائب وزیراعظم و وزیرخارجہ، دیوان نا وخت آ ایلو ایس سی او ملک آتا سرکڑدہ غاتون ہڑتوم آ کنڈآتا اوڑدہی ہم کیک۔