چیئرمین سینیٹ سید یوسف رضاگیلانی نا مسکوہی قومی اسمبلی نا باسک مظہر علی خان نا کزیت آ ہڑزخواہی نا درشان

اسلام آباد۔ 17 نومبر (اے پی پی) چیئرمین سینیٹ سید یوسف رضاگیلانی مسکوہی قومی اسمبلی نا باسک مظہر علی خان نا کزیت آ ڈکھیائی نا درشانی ءِ کرسا پارینے کہ ایماندار اسہ باوقار ، اصول پسند و الس سنگت پارلیمنٹیرین اس ئس۔ سینیٹ سیکرٹریٹ نا کنڈآن جاری بیان نا رداٹ او مدام جمہوری قدر انا مون آ دننگ و السی خذمت ءِ تینا مشن کرے و ہرفورم آ گچین کڑد ادا کرے۔ چیئرمین سینیٹ پارےکہ مظہرعلی خان نا سیاسی و راجی خذمت آتے مدام قدر انا نظر اٹ ہُننگک۔ اونا کزیت آن ملک اسہ مخلص، محب وطن و الس دوست سیاسی راہشون اسے آن محروم مسنے۔ سید یوسف رضاگیلانی ایماندار نا خاہوت تون ہڑزخواہی و ہمدردی نا درشانی ءِ کرسادعاکرے کہ اللہ تعالیٰ ایماندار ءِ جنت الفردوس اٹی بڑزکو ہند اس عطاکے و خاہوت ءِ صبر وجمیل عطاکے۔