اردن ءِ بادشاہ عبداللہ دوم ءِ ہمراہی ءَ ڈل ءِ گلوبل انڈسٹری ءُ ڈیفنس سولیوشنز ءِ تر ءُ تاب ءَ انت، فیلڈ مارشل عاصم منیر ءَ وش آتک کتگ

راولپنڈی۔16نومبر  (اے پی پی):اردن ءِ ہاشمی بادشاہی ءِ بادشاہ ءُ اردن ءِ سلاہ بندیں اُرد ءِ سپریم کمانڈر بادشاہ عبداللہ دوم ابن الحسین ءَ وتی جنک شہزادی سلمہ بنت عبداللہ دوم ءُ اردن ءِ سول ءُ فوجی کارندہ آنی سر ءَ ھواریں ڈل ءِ تر ءُ تاب کتگ۔ فیلڈ مارشل سید عاصم منیر، نشان امتیاز، هلال جرات، چیف آف آرمی اسٹاف ءَ گوں ایندگر مزنیں افسراں شاہی مہمان آنی آیگ ءَ گوں گرمیں وش آتک کت۔ پاک فوج ءِ محکمہ پبلک ریلیشنز ءِ رد ءَ تر ءُ تاب ءِ ساھت ءَ اردن ءِ بادشاہ ءَ را جی آئی ڈی ایس ءِ ڈھانچہ، صلاحیت ءُ پروڈکٹ پورٹ فولیو ءِ بابت ءَ سرجمیں بریفنگ دیگ بوتگ۔ بریفنگ ءَ پاکستان ءُ اردن ءِ نیام ءَ دو نیمگی دفاعی کمک ءِ واستہ ممکنہ موہ آنی سر ءَ پاکستان ءِ بومی دفاعی پیداوار، ٹیکنالوجی ءِ نوکیں ءُ پیشرفت ءِ سر ءَ زور پر دات۔ ایشی ءَ پد بادشاہ عبداللہ دوم ءَ ھم تلہ فیلڈ فائرنگ رینج ءِ تر ءُ تاب کتگ۔ اے موہ ءَ مزن وزیر محمد شہباز شریف ءَ ھم وش اتک کت۔ جمہوریہ آذربائیجان ءِ دفاعی صنعت ءِ وزیر ووگر ویلوگلو مصطفیف ہم فائرنگ رینج ءِ تہا شرپداریں مہمانانی تہا ھوار ات۔ اردن ءِ بادشاہ ءُ مہماناں یکجائی ءَ آتش ءُ پینتری ءِ مشق ءِ گواہ بوتگ۔ مشق ءَ کثیر جہتی آپریشن ءِ مظاہرہ کتگ کہ ایشی ءِ تہا روایتی ءُ ہوائی فائر پاور، ہمگامیں پینتریبازی، ءُ سپیکٹرم جنگی صلاحیت ھوار بوتگ انت، ایشی ءَ چہ جتا جتائیں قسم ءُ کثیر مقصدی ڈرون ءِ عملی کارمرز کنگ ءِ مظاہرہ بوتگ۔ شاہ عبداللہ دوم ءَ مشق ءَ ہواریں فوج ءُ بالی گراب ءِ تربیت ءِ مزنیں کوالٹی، پیشہ وارانہ، صلاحیت، ءُ جنگی تیاری ءِ توسیپ کتگ۔ اے موہ ءِ سر ءَ مزن وزیر محمد شہباز شریف ءَ شاہ عبداللہ دوم ءُ اردن ءِ الس ءِ واستہ پاکستان ءِ دل ءِ جہلانکی ءَ چہ احترام ءُ گرمیں احساسات ءِ درشانی کت ءُ گوشت کہ اے تر ءُ تاب دوئیں ملک آنی نیام ءَ برجاھیں دوستی، وت مہ وتی بھروسہ ءُ امن ءُ دیمروئی ءِ یکجائی ءِ جذبہ ءِ درشان اِنت۔ تر ءُ تاب ءِ وھد ءَ فیلڈ مارشل سید عاصم منیر ءَ پاکستان ءُ اردن ءِ نیام ءَ مھکمیں دفاعی شریکداری ءِ سر ءَ زور پر دات۔ فیلڈ مارشل ءَ اردن ءِ گوما فوجی کمک ءَ را گیش گیش کنگ ءُ یکجائی ءَ یک مھکم ءُ پرامنیں دمگ ءِ یکوئی وژن ءِ ھاترا پاکستان ءِ جزم ءِ پدا پدر کت۔ ایشی ءَ چہ پیسر اردن ءِ بادشاہ ءَ فیلڈ مارشل ءَ را ’آرڈر آف ملٹری میرٹ آف دی فرسٹ ڈگری‘ داتگ ات کہ آئی ءِ شرپداریں ازمت ءُ اردن ءُ پاکستان ءِ ہاشمی بادشاہی ءِ نیام ءَ دفاعی کمک ءَ را مھکم کنگ ءِ تہ ءَ جوانیں کرد ءِ ستا ءَ داتگ ات۔ شاہ عبداللہ دوم ءِ پاکستان ءِ تر ءُ تاب پاکستان ءُ ہاشمی بادشاہی اردن ءِ نیام ءَ برات ءُ گہار ءِ راجدپتری سیادی ءَ را مھکم کنگ ءِ تہ ءَ یک ھاسیں سنگ میل ءِ رنگ ءَ ثابت بوھگ ءَ اِنت۔