نائب مزن وزیر اسحاق ڈار ءَ دری پالیسی ءِ اولویت، جوانیں  دمگی ءُ جھان ءِ دیمروئی ءُ آیوکیں مزن تک ءِ سفارتی کارانی سر ءَ گپ ءُ تران کنگ ءِ دیوان ءِ سروکی

اسلام آباد۔16نومبر  (اے پی پی):وزارت ءِ درئی کار ءَ نائب مزن وزیر ءُ درئی کار ءِ وزیر سینیٹر محمد اسحاق ڈار ءَ دیوان ءِ سروکی ءَ کت۔ یک شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ گند ءُ نند ءِ تہ ءَ نائب مزن وزیر ءُ دری کارانی وزیر سینیٹر محمد اسحاق دار ءَ پاکستان ءِ درئی کارانی پالیسی ءِ اولیت، جوانیں  دمگی ءُ جھان ءِ دیمروئی ءُ آیوکیں مزنیں تک ءِ سفارتی کاروائی آنی سر ءَ دری کارانی کارگس ءِ سینئر آفیشل سیکرٹا ءُ دری کارانی وزیر ءِ گوما گپ ءُ تران کتگ۔ نائب مزن وزیر ءَ اے جزم ءِ یک رندے پدا گوشت کہ پاکستان یک فعالیں دری پالیشی ءِ سر ءَ جزم اِنت کہ ایشی ءِ تہ ءَ اقتصادی موہ آناں زورگ، اسٹریٹجک شریکداری ءَ را دیمروئی دیگ، کثیر نیمگی کمک ءَ را مھکم کنگ ءُ دمگی برجائی ءُ جھان ءِ امن ءِ تہ ءَ جوانیں کرد پیلو کنگ ءِ سر ءَ دلگوشی دیگ بیت۔