پاکستان ورنا آناں نوکیں ڈیجیٹل موہ پجارینگ ءِ واستہ جزم انت، رانامشہوداحمدخاں

کوالالمپور۔16نومبر  (اے پی پی):چیئرمین مزن وزیر ءِ ورنا پروگرام رانا مشہود احمد خان ءَ گوشت کہ پاکستان ورنا آناں نوکیں ڈیجیٹل موہ پجارینگ ءِ واستہ جزم انت، ءُ ورنا آنی اعلامیہ ورنا آنی واستہ راجدپتری سنگ میل ءِ رنگ ءَ ثابت بیت۔ اے ھیالانی درشانی آئی ءَ یک شمبے ءِ روچ ءَ دولت مشترکہ ءِ ورنا وزارتی ٹاسک فورس ءِ دیوان ءَ گشتانک دیان ءَ کت۔ رانا مشہود احمد خان ءَ گوشت کہ پاکستان ورنا آنی سروکی ءَ جہانی تک ءَ سرگرمیں کرد ءَ برجاہ دار ایت، ورنا مئے مستریں طاقت اَنت ایشانی تہ ءَ سرمایہ کاری مئے آیوکیں باندات اِنت۔ آئی ءَ دیوان ءَ گوشت کہ دولت مشترکہ ءَ ورنا آنی توار ءَ را گیش مھکم کنگ بہ بیت۔ آئی ءَ گوشت کہ پاکستان ورنا آناں نوکیں ڈیجیٹل موہ پجاری ءِ واستہ جزمیگ انت۔ رانا مشہود احمد خان ءَ گوشت کہ ما ورنا آناں پالیسی سازی ءِ تہ ءَ برابریں شریک ءِ رنگ ءَ گندگ لوٹ ایں، ءُ ڈیجیٹل فرق ءَ را ھلاس کنگ دولت مشترکہ ءِ اولی ترجی ءِ رنگ ءَ بہ بیت۔ آئی ءَ گوشت کہ پاکستان ءَ کایا ورنا سروک دیوان ءِ وسیلگ ءَ ورنا آنی واستہ نوکیں میاں اوستمانی پلیٹ فارم جوڑ کتگ۔ آئی ءَ گوشت کہ اسلام آباد ورنا آنی جار ورنا آنی واستہ راجدپتری سنگ ءِ رنگ ءَ ثابت بیت، ما دولت مشترکہ ءِ 1.6 ارب ورنا آنی واستہ بامردیں بدلی آرگ ءِ واستہ تیار آں۔ رانا مشہود احمد خان ءَ گوشت کہ مشترکہ دیمروئی ھما وھد ءَ ممکن بیت کہ ورنا آناں سروکی ءِ تہ ءَ راستیں جاگہ ​​دیگ بہ بیت، پاکستان ورنا آناں وانگ ءُ زانگ، روزگار ءُ ھوار کنگ ءِ واستہ عملی گامگیج برجاہ دار ایت۔