وفاقی وزیر داخلہ محسن نقوی ءَ گوں سالک حسین ءَ علامہ اقبال بالی پٹ ءِ تر ءُ تاب کتگ، امیگریشن ءِ عمل ءِ چار ءُ تپاس کتگ

لاہور۔16نومبر  (اے پی پی): وفاقی تہی کارانی وزیر محسن نقوی ءُ اوورسیز پاکستانی آنی وفاقی وزیر چوہدری سالک حسین ءَ علامہ اقبال بالی پٹ ءِ سر ءَ سرپرستیں تر ءُ تاب کتگ۔ دوئیں وزیر 2 کلاک ءَ بالی پٹ ءَ بوتگ انت ءُ امیگریشن ءِ عمل ءِ سرا چمشانک داتگ۔ وزیر داخلہ محسن نقوی ءَ امیگریشن کاؤنٹر آنی سر ءَ رش ءِ سر ءَ ناپسندی ءِ درشانی کتگ ءُ اے کار ءَ را ترندی ءَ گوں ھلاس کنگ ءِ پرمان داتگ۔ دوئیں وزیراں درملک ءَ روگ ءَ مسافراں ​​گوں گپ ءُ تران کتگ ءُ امیگریشن ءِ عمل ءِ درت ءَ جست ءُ پرس کتگ۔ وفاقی وزیر سالک حسین ءَ سفری دستاویزات ءِ سر ءَ پروٹیکٹر اسٹیکرز چیک کتگ۔ یک ورناہے کہ پروٹیکٹر ءِ چیر دستی ءَ ڈرائیور ءِ کار ءِ ھاترا درملک ءَ روگ ءَ ات آئی ءَ را ڈرائیونگ لائسنس ءِ نہ بوھگ ءِ سبب ءَ سفر ءَ چہ بند کنگ بوتگ۔ وفاقی وزیر سالک حسین ءَ وتی زھر ءِ درشانی کتگ ءُ اے وئیل ءِ پٹ ءُ پول ءِ پرمان داتگ۔ درملک ءَ روگ ءَ مسافر ءَ را امیگریشن ءِ کارندہاں ایف آئی اے ءِ کارندہ ءِ مبینہ رضامندی ءَ گوں کاؤنٹر ءَ اوشتارینتگ۔ وزیر داخلہ ءَ آف لوڈ بوتگیں مسافر ءَ را دل یکیمی داتگ کہ پرائیویٹ کمپنی ءَ داتگیں زر پدا واتر کنگ بنت۔ وزیر داخلہ محسن نقوی ءَ امیگریشن ءِ کارندہ آں فون کتگ کہ آہاں دوئیں ورناہاں رکینتگ ءُ آہاں مبارک بات داتگ ءُ چہ وتی کیسگ ءَ انعام داتگ۔ وزیر داخلہ ءَ اے ھم جار جتگ کہ دوئیں کارندہ آناں ستا ءِ سرٹیفکیٹ دیگ بیت۔ محسن نقوی ءَ گشتگ کہ ضلورتیں کاگد ءَ ابید ہچ مسافر ءَ را سفر کنگ ءِ موہ دیگ مہ بیت۔ غیر قانونی امیگریشن ءِ سرا ھچ وڑیں سگ ءُ اوپار کنگ نہ بیت۔ ہچ مسافر کہ ملک ءَ بدنام کنت آئی ءَ را سفر کنگ ءِ اجازت دیگ مہ بیت۔ ایف آئی اے ءِ کارندہ یا ایشی ءَ ھواریں ادارگ ءِ ھلاپ ءَ سکیں کارروائی کنگ بیت۔ چوہدری سالک حسین ءَ گوشت کہ پروٹیکٹر ءِ چیر دستی ءَ مسافر آنی سیادی داروکیں ملازمت ءِ مستندیں دستاویزات ءِ ہر کیس ءَ تصدیق کنگ بہ بیت۔