ہر قوم ءَ وتی آیوکیں نسل ءِ ھاتر ءَ راہ پچ کنگی اِنت، مشال ملک ءَ انٹر  یونیورسٹی روئنگ چیمپئن شپ ءِ  گڈی  مراگش ءَ گوں تران کنان ءَ گشتانک داتگ

اسلام آباد۔16نومبر  (اے پی پی): حریت ءِ سروک یاسین ملک ءِ زالبول مشال ملک ءَ گشتگ کہ زند ءِ تہا مردم چہ گار ءُ بیگواہی ءَ بازیں چیزے دربریت، ہر راج ءَ وتی آیوکیں نسل ءِ راہ پچ کنگی انت۔ یک شمبے ءِ روچ ءَ یک نجی یونیورسٹی ءِ انٹر یونیورسٹی روئنگ چیمپئن شپ ءِ گڈی مراگش ءَ گوں تران کنان ءَ مشال ملک ءَ گوشت کہ ما ھرچ وڑیں جسمانی رنگ ءَ مھکم بہ بئیں ھما وھد ءَ گیشیں توانائی دیم ءَ کاینت۔ اے وڑیں مقابلہ تعلیمی ادارہانی تہا اسپورٹس ءِ تہا جذبہ ءِ درشان کن انت۔ مشال ملک ءَ گشت کہ یونیورسٹی ءَ برجم دارگ بوتگیں مقابلہ آں چہ من سک باز متاثر آں۔ زندگی ءِ تہا بازیں چیلنج است انت، اودا وت ءَ ثابت کنگ سک المی انت۔ مشال ملک ءَ گوشت کہ پیسلہ اللہ تعالیٰ ءِ دست ءَ انت ۔ مردم جہد ءَ برجاہ بہ دار اَنت، جہد ءَ برجاہ بہ دار اَنت، گڈی روچ فیصلہ کنت کہ کئے سوبین بیت ءُ کئے ہار بیت۔ آئی ءَ گوشت کہ زند ءِ تہ ءَ مردم چہ گار ءُ بیگواھی ءَ بازیں چیزے دربرگ ءَ اِنت ءُ ھر راج ءِ واستہ المی اِنت کہ آ وتی آیوکیں نسل ءِ واستہ راہ پچ بہ کنت۔