ڈیجیٹل ٹرانسفارمیشن پاکستان ءِ راجی سلامتی ءُ اقتصادی استحکام ءِ ایجنڈا ءِ یک بنیاتی بہرے جوڑ بوتگ، وفاقی وزیر شزہ  فاطمہ خواجہ NDU ءَ 27می راجی سلامتی ورکشاپ ءَ گوں تران

اسلام آباد۔16نومبر  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ  فاطمہ خواجہ ءَ گوشت کہ ڈیجیٹل ٹرانسفارمیشن پاکستان ءِ راجی سلامتی ءُ اقتصادی استحکام ءِ ایجنڈا ءِ بنیاتی بھر جوڑ بوتگ۔ ادا جاڑی بوتگیں بیان ءِ رد ءَ شزہ  فاطمہ خواجہ ءَ راجی دیمپانی یونیورسٹی ءِ انسٹی ٹیوٹ فار اسٹریٹجک اسٹڈیز، ریسرچ اینڈ اینالیسس ءِ تہ ءَ ڈائریکٹر جنرل آئی ایس آر اے ءِ نیمگ ءَ برجم داشتگیں 27می راجی سلامتی ورکشاپ ءِ بھر زوروکاں گوں تران کت۔ گند ءُ نند ءَ راجی ءُ صوبائی اسمبلی ءِ باسک، کاروباری مردم، اھوالکار ءُ سول سوسائٹی ءِ نمائندہ آں بہر زرتگ۔ وفاقی وزیر ءَ پاکستان ءِ آئی ٹی ءِ گنجائش، موہ ءُ چیلنج آنی سرھال ءِ سر ءَ تران کنان ءَ گوشت کہ پاکستان ءِ ڈیجیٹل شوبگ نوں ملک ءِ اقتصادی دیمروئی ءِ تہ ءَ یک جوانیں  کردے پیلو کنت۔ امنیت، اسٹریٹجک طاقت ءُ جہانی رقابت ءِ بنیاد جوڑ بوتگ انت۔ مزن وزیر، فیلڈ مارشل، فیڈرل کابینہ ءُ ایس آئی ایف سی ءِ مھکمیں کمک ءِ سر ءَ زور پر دیان ءَ وزیر ءَ گوشت کہ ڈیجیٹل ٹرانسفارمیشن پاکستان ءِ راجی سلامتی ءُ اقتصادی استحکام ءِ ایجنڈا ءِ بنیاتی بھر جوڑ بوتگ۔ آئی ءَ اے گپ ءِ سر ءَ زور پر دات کہ وفاقی ءُ صوبائی حکومت، صنعت، اکیڈمیا ءُ میاں اوستمانی شریک یک جامع ءُ آیوکیں وھد ءِ ھاتر ءَ ڈیجیٹل سسٹم ءِ جوڑ کنگ ءِ واستہ یکجائی ءَ کار کنگ ءَ انت۔ شزہ  فاطمہ ءَ ڈیجیٹل ٹرانسفارمیشن ءِ واستہ پاکستان ءِ راجی فریم ورک ٹیک ڈیسٹینیشن پاکستان ءِ درت ءَ گپ ءُ تران کت کہ آئی ٹی ءِ صنعت ءِ دیمروئی ءُ برآمدات ءِ دیمروئی ءِ سر ءَ دلگوشی دنت ءُ ڈیجیٹل نیشن پاکستان ءِ درت ءَ گپ ءُ تران کت کہ ایشی ءِ تہ ءَ ڈیجیٹل معیشت، ڈیجیٹل سوسائٹی ءُ ڈیجیٹل گورننس ھوار اِنت۔ ٹیلی کام، سائبر سیکورٹی ءُ مصنوعی ذہانت ءِ سئے کراس کٹنگ شعبہ اے دوئیں ستون آنی کمک ءِ واستہ کار کنگ ءَ انت۔ آئی ءَ پاکستان ءِ دیمروئی کنوکیں ڈیجیٹل ایکو سسٹم ءِ ذکر کت کہ ایشی ءِ تہ ءَ 43 سافٹ ویئر ٹیکنالوجی پارک، 400 ءَ چہ گیش ٹیک کمپنی ریپرپزڈ مالز ءَ جوڑ کنگ بوتگ اَنت ءُ 85 انکیوبیٹر آنی سرجمیں ملک ءَ نیٹ ورک ھوار اَنت۔ اسٹارٹ اپ ءِ ماحولیاتی نظام ءَ مزنیں کساسے ءَ دیمروئی کتگ ، 4،100 ءَ چہ گیش اسٹارٹ اپس ، 8 نیشنل انکیوبیشن سینٹر ، 2 سیگا سینٹر ، ءُ امریکہ ، برطانیہ ، کینیڈا ، امارات ، سعودی عرب ، آذربائیجان ، جرمنی ، ءُ اردن ءَ یک مھکمیں گلوبل موجودگی ءِ حمایت کتگ۔ وفاقی وزیر ءَ گوستگیں سوبمندی آنی ذکر کنان ءَ گوشت کہ پاکستان اسٹارٹ اپ فنڈ ایکویٹی فری گرانٹ پجاری کنگ ءَ اِنت، وھدیکہ آئی ٹی ءِ وزارت ھمک راؤنڈ ءَ 30درسد ءَ تاں کمک کنگ ءَ اِنت۔ برج اسٹارٹ ءِ چیر دستی ءَ 13 اسٹارٹ اپس ءَ را میاں اوستمانی ایکسلریٹر آناں روان دیگ بوھگ ءَ انت وھدیکہ مزن وزیر کلاؤڈ پروگرام ، ڈیجی اسکلز 3.0 ءِ وسیلگ ءَ 4.3 ملین پاکستانی آناں تربیت دیگ ءُ مزن وزیر اسکل ٹیک انیشیٹیو ءِ وڑیں گامگیج برجاہ انت۔ آئی ءَ راجی اصلاحات ءِ ھم گپ جتگ، ایشی ءِ تہ ءَ ایچ ای سی ءِ نوکیں آئی ٹی ءُ اے آئی نصاب، سیمی کنڈکٹر انیشیٹیو ءِ چیر دستی ءَ 7200 چپ ڈیزائن ءِ ماہرین آناں تربیت دیگ ءُ ٹک ٹوک ءِ اسٹیم فیڈ ءِ وڑیں نوکیں ابھریں شریکداری، ءُ میٹا ءِ اے آئی ان اردو پروگرام ھوار اَنت۔ آئی ءَ گیش جار جت کہ گوگل ءَ پاکستان ءَ وتی کارگس ءِ جوڑ کنگ ءِ واستہ سرجمیں رجسٹریشن ءُ کانود ءِ لوٹ باقاعدہ سرجم کتگ انت کہ آئی ءَ اے کار ءَ را ٹیکنالوجی ءِ شوبگ ءِ واستہ مزنیں دیمروئی لیک اتگ۔ اے موہ ءِ سر ءَ آئی ءَ گوشت کہ آئی ٹی ءِ وزارت ءُ گوگل ءِ نیام ءَ جدید ڈیجیٹل مہارت، تربیت، ءُ میاں اوستمانی معیار ءِ صلاحیت سازی ءِ ھوالگ ءَ یک مفاہمت نامہ ءِ سر ءَ دستخط کنگ بوتگ۔ آئی ءَ اے آئی ریپر مقابلہ، سائبر سیکیورٹی ہیکاتھون، ءُ وائز لیب، کوڈ فار اے آئی ءُ ایس اے پی ٹریننگ پروگرام ءِ وڑیں نوکیں منصوبگ آنی ھم ذکر کتگ۔ عالمی تک ءَ پاکستان ءَ وتی ڈیجیٹل وژن ءِ درشانی وائی آئی سی شنگھائی، لیپ ریاض، ڈی سی او جنرل اسمبلی عمان، اے آئی فار گڈ سمٹ جنیوا، جی ٹی ایکس گلوبل 2025 ءُ ایندگر دو نیمگی ءُ کثیر نیمگی فورم آنی تہ ءَ کتگ، ایشی ءِ آسر ءَ 700ملین ڈالر ءَ چہ گیش ءِ نوکیں ڈیجیٹل سرمایہ کاری بوتگ۔ حق ءِ جنگ ءِ حوالہ ءَ آئی ءَ گوشت کہ پاکستان ءِ سوبمندی راجی یکوئی ءُ ٹیکنالوجی ءِ جوانی ءِ راجدپتری مظاہرہ انت۔ مزن وزیر محمد شہباز شریف، فیلڈ مارشل سید عاصم منیر ءِ سروکی ءَ سئیں سلاہ بندیں اُرد، سرکاری ادارگ ءُ پرائیویٹ سیکٹر یک پلیٹ فارم ءِ سر ءَ یکجاہ بوتگ اَنت۔ آئی ٹی ءِ وزارت، پی ٹی اے، سلاہ بندیں اُرد ءُ نجی سائبر ماہرین ءَ یکجاہ ملک ءِ سائبر دفاع ءَ را مھکم کتگ ءُ پاکستان ءِ سائبر سیکورٹی ماہرین ءَ جوانیں کارکردگی ءِ درشانی کتگ۔ آئی ءَ گوشت کہ اے اجتماعی کامیابی پاکستان ءِ جھان ءِ توانائی آنی گواہی اِنت ءُ ایشی ءَ چہ ملک ءِ سائبر تیاری ءَ را مدام گہتر کنگ ءِ جزم ءَ را گیش مھکم کتگ۔ آئی ءَ اے عزم ءِ پدا زور دات کہ پاکستان یک نوکیں، ایمن ءُ جھان ءِ تک ءَ مقابلہ ءِ ڈیجیٹل راج جوڑ بوھگ ءِ واستہ جزم اِنت۔