موسمیاتی بحران ایوک ءَ مالی کمک ءِ جیڑھ نہ اِنت بلکیں موسمیاتی انصاف ءِ لوٹ اِنت،  ما سبز ٹرانزیشن ءُ آب و ہوا ءِ تابکاری ءِ دیمروئی ءِ ھاترا پابند ایں وفاقی وزیر ڈاکٹر مصدق ملک COP 30 ءِ موہ ءَ مزن تک ءِ موسمیاتی مالیات ءِ گپ ءُ تران ءَ جوانیں  گشتانک

اسلام آباد۔16نومبر  (اے پی پی): موسمیاتی بدلی ءُ چاگردی ردوم ءِ وفاقی وزیر ڈاکٹر مصدق ملک ءَ گوشت کہ موسمیاتی بحران ایوک ءَ مالی کمک ءِ جیڈھ نہ اِنت بلکیں موسمیاتی انصاف ءِ لوٹ اِنت۔ ما سبز ٹرانزیشن ءُ آب و ہوا ءِ تابکاری ءِ دیمروئی ءِ ھاترا پابند ایں ۔ وزارت موسمیاتی بدلی ءُ چاگردی ہم آہنگی ءِ رد ءَ آئی ءَ اے ھیالانی درشانی یک شمبے ءِ روچ ءَ برازیل ءِ شہر بیلم ءَ مزن تک ءِ موسمی مالیاتی گپ ءُ تران ءِ موہ ءَ برجم داشتگیں مزن تک ءِ موسمیاتی مالیاتی گپ ءُ تران ءَ ھاسیں ویڈیو پیغام ءِ وسیلگ ءَ گشتانک دیگ ءِ وھد ءَ کت۔ ڈاکٹر مصدق ملک ءَ وتی گشتانک ءِ تہ ءَ گوشت کہ پاکستان ھندوکش کراکورم ہمالیہ ءِ دمگ ءِ پاد ءَ اِنت کہ اودا 13ہزار ءِ کساس ءَ گلیشیر است اَنت، ایشی ءَ چہ سندھ دریا ءِ نظام ءَ آپ رس اِیت کہ ملک ءِ ایکولوجیکل ءُ اقتصادی بُن ھشت اِنت۔ آئی ءَ گوشت کہ گلوبل گرین ہاؤس گیس آنی تہ ءَ پاکستان ءِ کرد یک درسد ءَ چہ کم اِنت بلے موسمیاتی ھترہ آنی رد ءَ پاکستان مدام دگنیا ءِ گیش ءَ چہ گیش آماچیں ملک آنی تہ ءَ ھوار اِنت۔ ڈاکٹر مصدق ملک ءَ اے گپ ءِ پدر کنگ ءَ گشتگ کہ موسمیاتی بحران ایوک ءَ مالی کمک ءِ جیڈھ نہ انت بلکیں موسمیاتی انصاف ءِ لوٹ انت۔ آئی ءَ گوشت کہ انوگیں گلوبل کلائمیٹ فنانس ءِ مزنیں بھرے درور ءَ ھما وام اَنت کہ آ اولی رند ءَ وانگ ءُ زانگ، جان سلامتی، انسانی دیمروئی ءُ ایندگر پائیدار دیمروئی ءِ مول ءُ مراد آنی واستہ ایر کنگ بوتگ اَنت بلے نوں ایشی ءَ را قدرتی آفت آنی گوما گر ءُ چیل بوھگ ءِ واستہ کارمرد کنگ لوٹ ایت کہ ایشی ءَ چہ دراجیں مدتی دیمروئی ءِ مول ءُ مراد آنی سر ءَ سک باز تاوان رسیت۔ آئی ءَ میاں اوستمانی براتی ءَ را زور پر دات کہ آ موسمی بدلی ءِ چیلنج ءَ را گیواری ءِ واستہ جزم ءِ درشان بہ کن اَنت ءُ اے گپ ءَ را دل یکیمی بہ کن اَنت کہ موسمی بدلی ءِ واستہ جوانیں، رسائی ءُ منصفانہ فنانس ءِ پجارینگ بہ بیت۔ ڈاکٹر مصدق ملک ءَ گوشت کہ ما سبزیں ٹرانزیشن ءُ موسمیاتی دیمروئی ءِ واستہ جزم آں ۔ پاکستان وتی راجی رد ءَ ٹھینگ بوتگیں کمک آنی سر ءَ سرگرمیں رنگ ءَ عمل کنگ ءَ اِنت، البت دیمروئی کنوکیں ملک آناں دیم ءَ روگ ءِ واستہ شریکداری ءُ منصفانہ مالی کمک المی اِنت۔ وفاقی وزیر ءَ جھان ءِ سروکی، مالیاتی ادارگ ءُ دیمروئی شریک آناں چہ اپیل کت کہ آ یکجائی آیوکیں وھد ءِ واستہ یکجائی بہ کن اَنت، نہ ایوک ءَ گیشیں مالی کمک ءِ وسیلگ ءَ بلکیں نوکیں ءُ ساپیں ٹیکنالوجی آنی تبادلہ ءِ وسیلگ ءَ ھم تانکہ دیمروئی کنوکیں معیشت پائیداریں آیوکیں وھد ءِ نیمگ ءَ دیم ءَ شُت کن اَنت۔ اے گپ ءُ تران ءِ بندوبست وزارت موسمیاتی بدلی ءُ چاگردی مصالحت ءِ نیمگ ءَ کنگ بوتگ ءُ ایشی ءِ تہ ءَ میاں اوستمانی موسمیاتی مالیات ءِ کارندہ ءُ کثیر جہتی دیمروئی بینک آنی نمائندگ آنی بھر زوری بوتگ۔ اے گپ ءُ تران ءِ مول ءُ مراد ایش ات کہ موسمیاتی فنانس ءِ تہ ءَ گیشی ءِ ھاترا مھکمیں جھان ءِ لوٹ ءَ را پدر کنگ بہ بیت، دیمروئی کنوکیں ملک آنی واستہ کمک ءِ رسگ ءِ میکانزم ءَ را آسراتی دیگ بہ بیت، نزوریں ملک آناں مالیاتی وسیلگ آناں وھد ءِ سر ءَ سر کنگ ءَ را ترند کنگ بہ بیت ءُ جھان ءِ شریکداری ءُ اتحاد آناں گیش مھکم کنگ بہ بیت۔