زانت ءُ زانشت ءَ ابید دیمروئی بوت نہ کنت،  انٹرمیڈیٹ  ءَ تاں جوانیں زانشت ءِ پجاری بنیاتی شرط اِنت،   قیصر احمد شیخ

اسلام آباد۔16نومبر  (اے پی پی): پاکستان ءُ کوریا ءِ پنچ سالی منصوبگ آنی مثال مئے واستہ وانگ ءِ لائق انت، وانگ ءُ زانگ ءَ ابید دیمروئی ممکن نہ انت، کوالٹی ءِ وانگ ءُ زانگ ءَ تاں انٹرمیڈیٹ ءَ بنیاتی شرط انت، پاکستانی نودربر آنی تہ ءَ بے دروریں صلاحیت است انت، اگاں راستیں راہ ءُ رھبند دیگ بہ بیت گڑا آ دگنیا ءَ دیم ءَ روان کن انت۔ فاسٹ یونیورسٹی چنیوٹ کیمپس کانووکیشن ءَ گوں گشتانک دیان ءَ قیصر احمد شیخ ءَ گوشت کہ ملک ءِ دیمروئی ءِ واستہ مئے گریجویٹ آنی سر ءَ مزنیں ذمہ واری انت، فاسٹ یونیورسٹی چنیوٹ ءِ سوبمندی ءِ گندگ ءَ چہ وشی انت، بندات ءَ چنیوٹ کیمپس ءِ سر ءَ اعتراض بوتگ بلے مرچی سوبمندی درستانی دیم ءَ انت۔ قیصر احمد شیخ ءَ گشتگ کہ منی ھاندان ءُ کمپنی ءَ 10 ایکڑ زمین پہ یونیورسٹی ءَ داتگ، من جار جناں کہ 1000 روپیہ دیگ بہ بیت۔ 1 ملین ءِ زرّ ءِ ھاتر ءَ ھما نودربراں کہ آیاں گولڈ میڈل زرتگ ءُ 1000 روپیہ ءِ زرّ داتگ اَنت۔ 1 میلیون ءِ زرّ ءِ مستحقیں نودربراں داتگ۔ قیصر احمد شیخ ءَ گوشت کہ مات ءُ پت مبارک بات ءِ لائق انت کہ آہاں وتی زھگ مزن ادارگاں دیم داتگ انت، کمپیوٹر سائنس ءُ نوکیں وانگ ءُ زانگ ملک ءِ آیوکیں باندات ءِ ضمانت انت۔ قیصر احمد شیخ ءَ گوشت کہ فاسٹ یونیورسٹی ورنا آناں جھان ءِ تک ءِ وانگ ءُ زانگ ءِ پجاری کنگ ءَ انت۔ نودربراں وتی باندات ءِ شرتریں نقشہ وت جوڑ کنگی اِنت۔ محنت ءُ مدامی جہد سوبمندی ءِ کلید انت۔