پاکستان ءِ شہیداں یات کنگ ءِ بے دروریں راہ، تلا گنگ  ءَ دمگی مردم وتی کمک ءَ شہیدانی یادگار جوڑ کن انت

اسلام آباد۔16نومبر  (اے پی پی): پاکستان ءِ شہید آناں شگر ءُ منت ءِ درشان کنگ ءِ یک انچیں جتائیں راہ ءِ زورگ ءَ دمگی مردماں تلا گنگ   ءِ میتگ ءِ سنگھار ءَ وتی کمک ءَ شہید آنی یادگار جوڑ کتگ۔ تفصیلات ءِ رد ءَ 14 نومبر ءَ شہیدانی یات ءَ دمگی مردمانی نیمگ ءَ یک مزنیں ءُ راج دوستیں مراگشے برجم دارگ بوتگ ءُ اے مراگش ءَ دمگ ءِ مزنیں مردماں ابید جتا جتائیں تبک ءِ مردماں مزنیں کساسے ءَ بہر زرتگ۔ شریکیں مردماں ماتیں گلزمین ءِ واستہ وتی سر ندر کرتگیں شہید آناں مزنیں مزن یات ءِ درشانی کت۔ تلا گنگ ءِ سنھر ءِ میتگ شھید ءُ غازیانی سرزمین ءِ نام ءَ ھم زانگ بیت ۔ سنگر ءِ 30 دلیریں زھگاں وتی سر پہ ماتیں گلزمین ءَ ندر کتگ اَنت ایشانی تہ ءَ پاکستانی اُرد ءِ 25 شھید ءُ پاک فضائیہ ءِ 5 شھید ھوار اَنت۔ ایشی ءَ ابید سنگھر ءِ میتگ چہ وتی 766 غازیاں زانگ بیت کہ آیاں جتا جتائیں وھداں پاکستان ءِ لشکر، پاکستان ءِ بالی اُرد ءُ پاکستان ءِ بحریہ ءِ تہ ءَ خدمت کتگ۔ مراگش ءِ تہ ءَ شھید آنی وارث آنی نیام ءَ عزت ءِ سپر ھم بھر ءُ بانگ کنگ بوت۔ اے مراگش نہ ایوک ءَ شہید آنی مزنیں قربانی آنی منگ بوتگ بلکیں سنگت ءِ نندوکیں مردمانی راج دوستی، یکوئی ءُ مھکمیں جزم ءِ پدریں ثبوت بوتگ۔ نائیک (ر)گلام محمد ءَ گوشت کہ من 71 ءِ جنگ کتگ ءُ انگت ءَ پہ اے ملک ءَ وتی جان ءِ ندر کنگ ءَ ساڑی آں ۔ چیف وارنٹ آفیسر ملک ملک حسین ءَ گشتگ کہ ما وتی میتگ ءَ شہیدانی یاتگارے گوں میتگ ءِ مردمانی ہمکوپگی ءَ جوڑ کتگ، مئے میتگ شہید ءُ غازیانی میتگ انت۔ مئے گورا 28 شہید انت۔ سوبیدار ریٹائرڈ اعجاز حسین ءَ گوشت کہ ما شمئے کمک ءَ شہیدانی یاتگارے جوڑ کتگ۔ مئے کرّا انگت ءَ 700 ءِ کساس ءَ غازی ھست کہ انگت ءَ پاکستانی لشکر ءِ کش ءَ اوشتاتگ اَنت، ما وتی شھیداں شگر ءُ منت وار ایں۔