پاکستان ءُ گتر ءِ سیادی آنی تہ ءَ اقتصادی ءُ دیمپانی کمک ءِ نوکیں در

اسلام آباد۔16نومبر  (اے پی پی): ایس آئی ایف سی ءِ کمک ءَ چہ پاکستان ءُ گتر ءِ سیادی آنی تہ ءَ اقتصادی، دیمپانی ءُ کشت ءُ کشاری کمک ءِ نوکیں دور ءِ بندات بوتگ۔ تفصیلات ءِ رد ءَ صدر آصف علی زرداری ءَ گوستگیں روچاں دوحہ ءَ گتر ءِ نائب مزن وزیر ءُ وزیر دفاع شیخ سعود ءَ گوں ھاسیں گند ءُ نند کتگ۔ گند ءُ نند ءَ دیمپانی شوبگ ، کشت ءُ کشاری ءُ سرمایہ کاری ءِ پڑ ءَ کمک ءَ را گیش کنگ ءِ سر ءَ تپاک کنگ بوت۔ رہشون آں یکجائی فوجی مشق، دیمپانی ٹیکنالوجی ءِ تبادلہ ءُ مہارت ءِ واستہ گامگیج آنی سر ءَ زور پر دات۔ گتری وزیر دفاع ءَ پاکستانی سلاہ بندیں اُرد ءِ پیشہ وارانہ لیکہ ساڑاتگ ءَ دیمپانی کمک ءِ تہ ءَ دلگوشی ءِ درشان کتگ۔ پاکستان ءُ گتر ءِ نیام ءَ اقتصادی ءُ دیمپانی سیادی ءَ چہ دیمپانی صنعت ءُ برآمدات ءَ را نوکیں رنگے رس ایت۔ دو نیمگی سیادی ءَ چہ جدید ٹیکنالوجی، کشت ءُ کشاری پیداوار ءُ سرمایہ کاری ءَ را دیمروئی رسیت۔ ایس آئی ایف سی پاکستان ءِ کشت ءُ کشاری، اقتصادی ءُ دیمپانی دیمروئی ءِ تہا جوانیں  کرد پیلو کنگ ءَ انت۔