مزن وزیر ءِ ھاسیں کمکار ہارون اختر خان ءَ فارما پارک ءِ ھاتر ءَ یک جامع منصوبگ ءِ ہدایت کتگ تانکہ ایس ایم ایز ءِ بااختیار کنگ ءَ را ترند کنگ بہ بیت

اسلام آباد۔15نومبر  (اے پی پی):مزن وزیر ءِ ھاسیں کمکار ہارون اختر خان ءَ ایس ایم ایز ءِ بااختیار کنگ ءَ را ترند کنگ ءِ واستہ فارما پارک ءِ واستہ یک جامع منصوبگ ءِ ہدایت کنگ ءِ وھد ءَ گوشت کہ اے آسراتی فارماسیوٹیکل ایس ایم ایز ءِ کمک، نوکیں ءُ کوالٹی ءَ را گہتر کنگ ءِ واستہ سک باز المی اِنت۔ ادا جاڑی بوتگیں بیان ءِ رد ءَ مزن وزیر ءِ صنعت ءُ پیداوار ءِ ھوالگ ءَ ھاسیں کمکار ھارون اختر خان ءَ اسلام آباد ءَ کسان ءُ میاں اوستمانی کاروباری ادارگ ءِ دیمروئی اتھارٹی ءِ گوما پیلو ءِ دیوان ءِ سروکی ءَ آدینگ ءِ روچ ءَ کت۔ اے دیوان گوستگیں روچ ءَ ایس اے پی ایم راولپنڈی ءِ ایس ایم ای کلسٹر ءُ راولپنڈی چیمبر آف کامرس اینڈ انڈسٹری ءِ صدر ءِ گوما سرجمیں گند ءُ نند ءَ پد برجم دارگ بوتگ ات، ایشی ءِ تہ ءَ دواسازی ءِ ایس ایم ایز ءَ وتی جیڈھ ءُ سرکاری کمک ءِ منظم نظام ءِ ضلورت ءِ سر ءَ چمشانک داتگ ات۔ گند ءُ نند ءِ تہ ءَ ہارون اختر خان آئی ءَ اسلام آباد ءَ فارما پارک ءِ جوڑیشت ءِ واستہ یک سرجمیں منصوبگ ءُ فریم ورک ءِ تیار کنگ ءِ ہدایت کتگ۔ آئی ءَ گوشت کہ اے وڑیں آسراتی دواسازی ءِ ایس ایم ایز ءِ کمک ءِ واستہ، جدت ءُ کوالٹی ءِ گہتری ءِ واستہ المی اِنت۔ ہارون اختر خان ءَ گوشت کہ ایس ایم ای آنی تہ ءَ بے دروریں گنجائش است انت۔ آہاں دیمروئی ءُ راجی معیشت ءِ تہا موثر کرد پیلو کنگ ءِ ھاتر ءَ یک مھکمیں پلیٹ فارم ءُ ادارگی کمک ءِ ضلورت انت۔ آئی ءَ زور پر دات کہ مزن وزیر محمد شہباز شریف ءِ وژن ءِ تہ ءَ ایس ایم ایز ءَ را اقتصادی بحالی، روزگار ءِ پیداک کنگ ءُ برآمدات ءِ دیمروئی ءِ مستریں ستون لیکگ بیت۔ ایس اے پی ایم ءَ زالبول آنی کاروباری بھر زوری ءَ را گیش کنگ ءِ ھاترا ھم زالبول آنی کاروباری بھر زوری ءَ را گیش کنگ ءِ ھاترا وتی آسراتی ءِ اسکیم، تربیتی پروگرام ءُ آؤٹ ریچ ءِ گامگیج آناں گیش ءَ چہ گیش دیم ءَ برگ ءِ ھاترا سمیڈا ءَ را ہدایت کت۔ آئی ءَ گوشت کہ ایس ایم ای ڈی ءَ را جتا جتائیں شوبگ آنی تہ ءَ ایس ایم ایز ءِ رہشونی، جیڈھ آنی پجارینگ ءُ قابل عمل گیواری ءِ سوج دیگ ءِ تہ ءَ گیش فعال ءُ اسٹریٹجک کرد پیلو کنگ لوٹ ایت۔ ہارون اختر خان ءَ یک رندے پدا گوشت کہ وزارت صنعت ءُ پیداوار ایس ایم ایز ءِ زندگ ءُ دیمروئی ءِ واستہ شعبہ ءِ رد ءَ گامگیج، جوانیں مالیاتی آسراتی ءُ ملکی ءُ میاں اوستمانی کمک کنگ ءَ انت۔ مارکیٹانی گوما مھکمیں سیادی ءِ دیمروئی ءِ ھاترا مدام کار کنگ۔