وفاقی وزیر مواصلات عبدالعلیم خان ءَ این ایچ اے پنجاب ءُ بلوچستان ءِ بابت ءَ چار ءُ تپاسی دیوان ءِ سروکی

اسلام آباد۔15نومبر  (اے پی پی):مواصلات ءِ وفاقی وزیر عبدالعلیم خان ءَ نیشنل ہائی وے اتھارٹی ءِ تنظیمی ڈھانچہ ءِ نوکیں رنگ ءِ جار جتگ کہ ایشی ءِ رد ءَ پنجاب ءِ دمگ ءَ انتظامی بدلی کنگ بیت ءُ ایشی ءَ را چار زون ءِ تہ ءَ بھر کنگ بیت، جنوبی پنجاب، شمالی پنجاب، وسطی پنجاب ءُ یک جتاہیں دمگ۔ ادا رستگیں پریس ریلیز ءِ رد ءَ وفاقی وزیر مواصلات عبدالعلیم خان ءِ سروکی ءَ این ایچ اے پنجاب ءُ بلوچستان ءِ کار آنی سر ءَ چار ءُ تپاسی ءِ دیوان برجم دارگ بوت۔ اے موہ ءِ سر ءَ آئی ءَ گوشت کہ این ایچ اے ءِ نوکیں ڈھانچہ ءِ چیر دستی ءَ سرجمیں ملک ءَ نوکیں باسک ایر کنگ بنت تانکہ نگرانی ءَ را موثر جوڑ کنگ ءُ عملی کارکردگی ءَ را گہتر کنگ بہ بیت۔ موٹروے ایم 5 ءِ بحالی ءِ بابت ءَ وفاقی وزیر مواصلات ءَ را بریفنگ ءِ تہ ءَ گوشت کہ جلال پور پیروالہ سیکشن (یک نیمگ) ءِ سرجمیں بحالی 30نومبر ءَ تاں سرجم کنگ بیت۔ وفاقی وزیر مواصلات ءَ ہدایت کت کہ گوستگیں یک سال ءِ تہ ءَ بوتگیں ھرچ مالی تاوان ءِ سر ءَ چار ءُ تپاسی کنگ بہ بیت ءُ درستیں دمگ آنی تہ ءَ سکیں احتساب ءَ را دل یکیمی کنگ بہ بیت۔ عبدالعلیم خان ءَ گوشت کہ سرجمیں ملک ءَ نوکیں ٹول پلازا آنی ڈیزائن یک رنگ کنگ بہ بیت ءُ ایشی ءَ را ایوک ءَ ھما جاھاں جوڑ کنگ بہ بیت کہ اودا ٹریفک ءِ روانی ءَ چہ جوانیں آمدنی ءِ جواز ھست۔ آئی ءَ مواصلات ءِ سیکرٹری ءَ را ھم ہدایت کت کہ آ جوانیں نگرانی ءِ واستہ ہفتگی فیلڈ دورہ بہ کنت۔ کوالٹی ءُ یکسانیت ءِ سر ءَ زور پر دیان ءَ وفاقی وزیر ءَ گوشت کہ آ این ایچ اے ءِ تہ یکسانی ءِ سر ءَ عمل کنگ ءِ واستہ جزم آں، ءُ اسلام آباد مری ایکسپریس وے ءِ سر ءَ برجاھیں کار ءَ را آیوکیں منصوبگ آنی واستہ ماڈل لیک اتگ۔ آئی ءَ گوشت کہ آمدنی یک محنت کشیں کارے بلے ھرچ ءُ درچ چم ءِ پچ کنگ ءَ بیت پمیشکا ھرچ ءُ درچ ءِ سر ءَ سکیں نگرانی المی اِنت۔ آئی ءَ گوشت کہ ”پیچ ورک“ ءُ گھاس ءِ کٹگ ءِ وڑیں لھتیں بار باریں جیڈھ آنی موثر آڈٹ مشکل ءُ باز براں غیر ضروری اِنت۔ آئی ءَ سیادی داروکیں باسک آناں ہدایت کت کہ آ یکجاہ بہ نند اَنت ءُ یک ھاسیں ءُ شفافیں میکانزم ءِ تیاری ءَ بہ کن اَنت تانکہ ہر ھرچ ءُ درچ ءِ سرجمیں پٹ ءُ پول کنگ بہ بیت۔ عبدالعلیم خان ءَ گوشت کہ این ایچ اے ءَ را یک شرپدار ءُ شرپداریں ادارگ جوڑ کنگ بہ بیت، ایشی ءِ سر ءَ مالی بے رھبندی آنی ساہگ مہ بیت۔ آئی ءَ گوشت کہ این ایچ اے ءِ کارگس آنی جاور ءُ دروشم ءَ را گہتر کنگ ءِ واستہ ھم گامگیج کنگ بوھگ ءَ انت، تانکہ سرجمیں ملک ءَ ادارگ ءِ عزت ءُ شرپ ءَ را بُرز کنگ بہ بیت۔ دیوان ءَ سیکٹری برائے رابطہ ءُ پنجاب ءُ بلوچستان ءِ دمگ ءِ باسکاں بہر زرتگ ات۔